笑谈广东话

笑谈广东话

01集 你咪当我lu lu喎!版头：（电话声）嘟嘟￣￣￣

（接电者）：喂。 （来电者）：大家好，欢迎来到笑谈广东话，广东话请按1，For English press two.

（按键声）嘟 （来电者）：多谢你选择广东话。宜家想问你，若果係‘估唔到’嘅广东话点讲呢？

（接电者）：估唔到。。。 （来电者）：错！估唔到嘅广东话係，（大叫）唔係咁搞笑下话？多谢你听我哋嘅笑谈广东话。学多啲广东话啦，Buy Buy!

内が（u chi nga）￣親だ(o ya da)￣(楼主注：唔知佢噏乜，估计佢想用日文叫‘内地的同胞们’，如果真係咁，就太可惜嘞，因为用词错误) 一个专为内地同胞将要到港旅游嘅自由人而设嘅节目。笑谈广东话！噔噔噔。。。。

01集 你咪当我Lu Lu喎！ 主持人A（以下简称A）：大家好！欢迎大家收听笑谈广东话。我係你嘅节目主持人利下王（听唔清佢嗌乜名）。 主持人B（以下简称B）：我係夫人。

A： 今集，我想教下大家各位自由人，嚟到嚟香港，若果畀人欺骗嘅时候，广东话点讲呢？嗱，畀人欺骗嘅广东话係：‘你咪当我Lu Lu喎！’再听多次。‘你咪当我Lu Lu喎！’即係话，若果你发觉畀香港人欺骗嘅时候，你就可以大叫，‘你咪当我Lu Lu喎！’辟如，係喺街度，见到明星，好似黎明咁啦。但係佢话佢唔係黎明，你就可以同佢讲：‘你咪当我Lu Lu喎！’好大声咁同佢讲：‘你咪当我Lu Lu喎！’当然，后尾你发觉原来佢係刘德华嘅话，你就可以同佢讲番：‘唔好意思我係Lu Lu。’

大家，如果係大陆嚟香港，想同阿妈相认。但係，你阿妈话冇生过你，你就可以对住阿妈讲：‘你咪当我Lu Lu喎！’后尾如果你发觉佢真係唔係你阿妈嘅话呢，你就可以讲：唔好意思，‘我係Lu Lu。’

又 或者嚟到香港，政府同你哋讲：“嗱，我哋搞朱罗纪展览，同埋请朗尼史东嚟香港，都係为咗吸引你哋自由人嘎咋。”你就可以喝住個政府讲：‘你咪当我Lu Lu喎！’再讲！‘你咪当我Lu Lu喎！’再讲！‘你咪当我Lu Lu喎！’当然啦，你可以对住只恐龙讲：‘你咪当我Lu Lu喎！’又或者係对朗尼史东讲：‘你咪当我Lu Lu喎！’。不过，朗尼史东係外国人嘅关系，所以你要讲英文：Don’t think I am Lu Lu! 若果，你发现朱罗纪又或者朗尼史东好睇呢，咁你就要讲番：‘唔好意思，我係Lu Lu。’当然啦，如果你参加咗“维港（楼主注：维多利亚港）明珠贺春光”，噉呢，就千祈唔好放过哩個机会，向住维多利亚港嗰粒大明珠，大叫：‘你咪当我 Lu Lu喎！’。当然，如果你觉得好

睇嘅话呢，你又要讲番：‘唔好意思，我係Lu Lu’。最后，各位自由人，如果你本身咁唔好彩，真係叫Lu Lu！噉点算呢？噉，係你個情况，你就可以讲：‘你咪当我罗拨喎！’。嗱，听多次。‘你咪当我罗拨喎！’千祈唔好以为‘Lu Lu’同‘罗拨’係一样啊。喺意思方面，罗拨係笨！Lu Lu係蠢！即係好似：大笨象係笨，长颈鹿係颈。就係咁解嘞。好喇，今日笑谈广东话就告一段落，下次见。Buy Buy.

唔係咁搞笑下话？

噔噔噔。。。笑谈广东话。第二集！ A：各位，我係你哋嘅主持人，利下王。 B：我係夫人。

A： 今集，我想教下各位自由人嚟到香港，若果你想讲，唔敢相信自己個眼见嘅嘢。广东话应该点讲呢？‘唔係咁搞笑下话？’冇错，要好大声咁讲出：‘唔係咁搞笑下 话？’好似辟如，自由人嚟到香港，住喺亲戚屋企，睇电视。睇到啲裸露嘅镜头，但係打咗格仔，你就可以大喝一声：‘唔係咁搞笑下话？’又或者係对住你嘅屋企 人大喝一声：‘唔係咁搞笑下话？’又或者你去超级市场买洗头水，佢标明话全港最平，但係你就发现佢仲贵过出面嘅药房，你就可以对住超级市场嘅收银姐姐，大 叫一声：‘唔係咁搞笑下话？’又或者对住嗰個洗头水大嗌一声：‘唔係咁搞笑下话？’。如果你落到嚟香港，谂住去金铺买金，点知就係买金嘅时候，畀人见到你 支枪，以为你打劫，你就可以对住個警察，大喝一声：‘唔係咁搞笑下话？’。要认真啲，大叫一声：‘唔係咁搞笑下话？’。当然，如果有一日，你喺条街度 MEU咗喺度，噉，跟住有個香港人同你讲：“香港人係唔会MEU嘎”。而你咁啱又如紧厕嘅话，你就可以同佢讲：‘唔係咁搞笑下话？’。当然，当其时你可能 用紧力，会阴声啲：‘唔係咁搞笑下话？’又或者有人同你讲：“喂，自由人，快啲睇哩出戏啦！成個香港开心番嗮！係啊！真係笑霖凳。”但係你望下佢张凳，又 冇霖嘅话，你就可以同佢讲：‘唔係咁搞笑下话？’最后，如果有一日，你係街度，你见到谐星黄子华。噉，你就千祈唔好同佢讲：‘唔係咁搞笑下话？’。因为， 佢真係搞笑嘎。好喇，今日嘅笑谈广东话又告一段落。多谢大家。

02集 Yo~使乜惊啊?壁拍你个龙的洞呀!

02 You，使乜惊啊！ 版头：嘟嘟￣￣ （女声）：喂。 （来电）：欢迎收听笑谈广东话。想听广东请按1字；For English press two. （按键声） （来电）：多谢你选择广东话。宜家想问下你，新年你会同人讲新年快乐，中秋节会同人讲中秋节快乐，咁重阳节你会同人讲啲咩呢？ （女声）：你话呢？咁你会讲咩啊？

（来电）：错！重阳节係应该同人哋讲：‘快啲走啊！快啲走上山！快啲啊！’多谢你收知笑谈广东话，学多啲广东话啦（女声：黐线！）。Buy Buy. A：大家好，欢迎大家收听今集笑谈广东话，我係你嘅主持人，利下王！ B：我係夫人。

A： 今集我会教大家本来喺哩個情况相当之惊，但係你一啲都唔惊，咁样广东话应该点样讲呢？嗱，听住。喺好惊嘅时候但係点知你唔惊，你就可以讲：‘You，使乜 惊啊！’嗱，听住囉噃，‘You’哩個字呢係读‘You’，而唔係读ya，又唔係读ye，又唔係读yi1又唔係读yo,又唔係读yu……而係读： ‘You’！点解呢？因为香港人係一個华洋杂处之地，所以佢哋经常讲啲英文落啲广东话度嘎。所以要读好啲哩一個字。You! 好嘞，开始教你点讲嘞。如果 有人同你讲，话你拜山嘅时候，踩到人哋嘅墓碑会断脚，但係你一啲都唔惊喎，噉呢，你就可以对住人哋個墓啤大叫：‘You，使乜惊啊！’如果你对住個墓碑讲 完发觉都唔係好惊，噉你就可以指住墓碑上面嗰张相，同佢讲：‘You，使乜惊啊！’。讲完之后你都仲係唔惊嘅话，你就可以指住拜祭紧佢嘅屋企人同佢哋讲： ‘You，使乜惊啊！’。又或者，你阿爸喺重阳节叫你拜阿爷，做個孝子贤孙，但係你咁啱就约咗班Friend去唱K。噉呢，你阿爸就吓你嘞，如果你唔噉做 呢，你阿爷就会返嚟揾你，会折福嘅。但係你一啲都唔惊，所以你就指住你阿爸讲：‘You，使乜惊啊！’。如果讲完这后你都仲係唔惊嘅话，你就可以走到你阿 爷個坟前对住阿爷讲：‘You，使乜惊啊！’。有一日，如果你行行下街，见到個靓女，一路望住佢啦，ha（语气助词），望到你拧番转头嘅时候，发现 ZANG啲撞到条灯柱，好彩冇撞到，噉你就可以对住条灯柱讲：‘You，使乜惊啊！’。当然，如果你真系好唔惊嘅话，你可以追番住個靓女，拍拍佢個脖头， 然之后对住佢讲：‘You，使乜惊啊！’。当然，作为自由行嘅旅客都有惊嘅时候，如果你唔惊嘅，你就可以讲：‘You，使乜惊啊！’但係如果你惊嘅话呢， 你就可以讲：wou，好惊啊！好嘞，即係话，你喺重阳节嘅时候，同啲香港人拜山，你就踩到人嗰個墓碑，人哋同你讲，噉样会断脚嘎，而你就真係好惊嘅话，你 就可以讲：‘wou，好惊啊！’记住，係讲：‘wou，好惊啊！’。如果唔惊呢？‘You，使乜惊啊！’惊呢？‘wou，好惊啊！’唔惊！‘You，使乜 惊啊！’惊！‘wou，好惊啊！’唔惊！‘You，使乜惊啊！’……冇错嘞，就係噉简单嗻。希望大家喺重阳节喺香港玩得开心啦。 壁啪你個龙的洞啊！

笑谈广东话，噔噔噔。。。

A：大家好，欢迎大家收听今集嘅笑谈广东话。我係你嘅主持人，利下王。 B：我係夫人。

A： 今集教大家嘅係，当你好愤怒嘅时候，不知所措。广东话点讲呢？嗱，当你好愤怒，不知所措嘅时候，你就可以讲广东话：‘壁啪你個龙的洞啊！’。即係话，好似 你喺街度，发现畀人打咗荷包（钱包），噉，你就可以讲：‘壁啪你個龙的洞啊！’但係之后，你发现咗你嘅荷包喺另外一個袋度，噉，你就

可以指住個荷包讲： ‘哎呀，壁啪你個龙的洞啊！’又或者，如果你喺尖沙咀嗰度买咗部DVD机，要成三千呅，但係去到旺角嗰度发觉只係卖九十九呅嗻，你心里面谂：‘連DVD只 碟都要卖百几呅啦，你部机卖九廿九呅？’噉，喺哩個时候，你就可以指住部值九十九呅嘅DVD机讲：‘壁啪你個龙的洞啊！’又或者，如果你谂住，一心嚟香港 去睇《维港群星会》，谂住睇国际巨星Santana（楼主：乜水嚟嘎？），点知，因为维港填海填窄咗，你认错咗城门河係维港，结果睇咗人zao（划）艇。 噉，你就可以指住只艇话：‘壁啪你個龙的洞啊！’。又或者，如果你年年都落嚟香港拜年。。。。。。唔係，如果你年年都落香港拜山，拜阿爷。阿妈都话： ‘嗱，认住阿爷前面嗰個坟，前面係一個细路女嚟嘅，噉就实揾到阿爷嗰個坟嘞。’但係你今年去拜嘅时候，发现個细路女大個咗，喺哩個时候，你就可以指住你阿 妈话：‘壁啪你個龙的洞啊！’但係，你阿妈佢由于唔惊，佢一定会回番你一句：‘You，使乜惊啊！’。当然，你一定要坚持已见，再回番佢一句：‘壁啪你個 龙的洞啊！’。好嘞，去到最后，若然，你去厕所，去咗個几两個礼拜都去唔到，嘩！当其时真係如热锅上嘅马蚁啊。噉，作为香港人嘅广东话係点讲呢？喺当其时 你就可以指住個马桶大叫：‘壁啪你個龙的洞啊！’当你讲完哩句话之后，DAM一声又去到喎！噉，你就可以好开心咁话：‘You，使乜惊啊！’。去到最后， 若果畀你咁啱嚟到香港，撞到哩两句说话嘅始创人张伟健。噉，你就可以同佢讲：‘You！壁啪你個龙的洞啊！’而佢会回应你：‘Come on! Go !Go! Go !’哎呀，如果佢真係咁讲嘅话，佢可能係郭晋安。噉，所以你就要讲：‘Go! Go! Go!你個龙的洞啊！’而佢就会回番你一句：‘壁啪你個Go! Go! Go!’。冇借嘞，就係咁嘞。若然你同佢可以对战十個回合或以上嘅话，你，就已经成为咗香港人嘞。恭喜嗮你！好嘞，今集嘅笑谈广东话又告一段落嘞。多谢大 家收听，下集再会。

03集 真苦过Dee Dee啊！

A：大家好，欢迎大家收听笑谈广东话。我係你哋嘅节目主持人，利下王！ B：我係夫人。

A：今集，我哋係会教大家啲 广东话嘎。嗱听住，如果你喺一個古不堪然嘅情况之下，哎呀，又唔知用咩说话去代表当其时嘅感受嘅话，EI，广东话你就可以讲：‘真苦过Dee Dee啊！’好嘞，即係话如果有一日，你嚟到香港去饮有香港特色嘅凉茶铺龟令膏。点知一食落口，非常苦。你就可以指住尊龟令膏大叫：‘真苦过Dee Dee啊！’。又或者指住只龟大叫：‘真苦过Dee Dee啊！’。又或者你指住個胡须佬大叫：‘真苦过Dee Dee啊！’又或者当你知道徐家胜大律师用咗百几万打官司保护维港，最后都係输咗。噉你就可以去到维港，哎

呀，然后你又发现维港真係好靓喎，你就可以对住 用嚟填海嘅嗰堆坭沙大叫：‘真苦过Dee Dee啊！’。唔，而最惨嘅就係维港巨星会嘅雅座嘉宾朗尼史东，佢*嚟香港表演。噉你就可以对住其他要嚟香港嘅维港巨星大嗌：‘真苦过Dee Dee啊！’好嘞，如果有一**见到其中一個巨星阿***呢，喺庙街试拖鞋。谁不知佢将個拖鞋啋落地，又畀人打啊。喺哩個情况，嗱，你就可以指住***個 头大嗌：‘真苦过Dee Dee啊！’。如果，你星期五咁啱听收音机，听到****嘅节目，发现阿成又输咗二两苦瓜汁，噉你就可以对住個收音机大喝一声：‘真苦过Dee Dee啊！’好嘞，当然啦下，大家学识咗苦过Dee Dee哩句说话之后呢，都係时候再进一步嘞。若然，你啊，喺啊，喺街嗰度就噉讲苦过Dee Dee呢，香港人都会觉得你係普通嘅人嚟嘎嗻，唔係好特别，我哋一定要讲一啲比香港人更加犀利嘅广东话先可以嘎。嗱，辟如係点样呢，辟如係你食咗啲嘢甜嘅 时候，你会讲咩啊？‘真甜过Dee Dee啊！’。当然唔係啦，Dee Dee係苦嘅，所以我哋先会有讲‘苦过Dee Dee’。甜嘅呢，应该係讲：‘真係甜过妹妹啊！’。冇错嘞，甜嘅记住：当你食到好甜嘅KEKKI（cake）嘅时候，你就要大叫：‘真係甜过妹妹啊！ ’。噉咸呢？‘真係咸过爷爷啊！’噉腥呢‘真係腥过奶奶啊！’噉苏（臊）呢？‘真係苏过Uncle啊！’好嘞，噉大家记住点用囉噃，今日节目时间差唔多 嘞。下集再会。

04集 老虎蟹都制!、女人真系茶煲呀!

A：各位，欢迎收听笑谈广东话。各位自由人，我係你嘅节目主持人利下王。 B：我係夫人。

A：嗱，自由人，嚟到香港 旅行要讲好嘅广东话係好紧要嘎。如果唔係啲香港人就会睇你唔起嘎嘞。嗱，今日呢将会教大家嘅广东话就係：若然，你发现一样嘢好抵，你点都买嘎嘞，广东话点 讲呢。听住咯噃。若然发现样嘢好抵，点都买嘎嘞，广东话就係叫做：‘老虎蟹都掣啊！’。嗱，再讲多次：‘老虎蟹都掣啊！’。开始例子咯噃。如果你有一** 去到?老唛?（楼主注：即麦当劳，广州人亦称之为‘M記’）买优惠餐，個店员同你讲话：加两呅，可以换杯特大嘅汽水同物大嘅薯条。噉，喺噉嘅情况，嘩￣咁 抵，你就可以指住個店员话：‘老虎蟹都掣啊！’。大声啲！‘老虎蟹都掣啊！’冇错嘞。如果有一**去酒楼饮茶，食完嗮嘢之后呢，宜家好多时候個伙记都话送 個甜品畀你嘅，问你要唔要。嘩￣！哩個时候有甜品送，你梗係指住個伙记大嗌：‘老虎蟹都掣啊！’再大嗌：‘老虎蟹都掣啊！’冇错嘞。如果有一日，你去到啊 香港嘅摩羅街（楼主注：全称应该为摩羅庙街，位于港岛北部市区，香港动植物医院、羅更臣道附近），就买哩只古董，发现有一個玉如意。老闆话，原价万五，宜 家物价五百！噉，喺哩個咁抵嘅情况之下，你就可以指住個玉如意大嗌一句：‘老虎蟹

都掣啊！’。大声啲！‘老虎蟹都掣啊！’再大声啲！‘老虎蟹都掣啊！’ 嗱，点解要讲咁大声同讲咁多次呢，因为原价万五减到五百，就真係：‘老虎蟹都掣啊！’好嘞，点知道你返到屋企嘅时候，发现支玉如意原来係荧光棒嚟嘅！你拎 住支荧光棒返番到古玩店谂住退货啦，点知有另外一個自由人同你讲，话万五呅帮你买咗佢！噉，喺哩個时候你梗係指住哩個自由人大喝一声：‘老虎蟹都掣啊！’ 但係当你卖咗畀個自由人之后，你先发现原来嗰支真系玉如意，噉哎呀！你梗係即刻用两万呅买返番支玉如意返嚟啦。点知，一返到屋企你就发现，原业嗰支真係一 支荧光棒嚟嘎！哎呀，噉如果你咁蠢，都有人要你嘅话呢，你就要指住要你嘅伴侣大喝一声：‘老虎蟹都掣啊！’。係嘞，然之后送咗支荧光棒畀佢。好嘞，嗱，若 然啊，你发现嗰样嘢比起‘老虎蟹都掣’更加抵，更加想要嘅话呢，就要改一改嘞。哩一個呢，香港人仲未发明嘎，只要你呢係嗰個时候你讲咗出嚟呢，香港人就会 对你另眼相看嘎嘞。嗱，记住咯噃，若然你发现嗰样嘢笋过‘老虎蟹都掣’嘅话呢，你就可以大嗌一声：‘大闸蟹都掣啊！’再讲多次：‘大闸蟹都掣啊！’点解 呢，因为近排呢啱啱当灶，香港人好中意食大闸蟹嘎，所以你见到一啲嘢好抵嘅时候，就算係十呅六個生果（楼主注：即水果）嘅话呢，你都可以对住啲生果大嗌： ‘大闸蟹都掣啊！’冇错嘞。多谢大家收听。

女人真係茶煲啊！（楼主注：茶煲来自英文Trouble的译音，即麻烦之意。） A：欢迎收听笑谈广东话。自由人，我要向你介绍，我係你嘅节目主持人利下王。 B：我係夫人。

A： 今日呢将要教畀你嘅呢就係，若然你发现啊，女性好麻烦嘅时候你可以点讲呢？嗱，发现女性好麻烦喺香港嘅广东话呢就係叫做：‘女人真係茶煲

啊！’。好再讲： ‘女人真係茶煲啊！’。嗱哩個呢係专畀女人呢嚟做嘎。打個辟如，如果啊，你啊，发现你個女朋友好似阿朱茵噉样，係基督徒，结婚之前唔畀，但係你知道佢喺识 你之前明明係信观音嘅！噉呢，你就可以指住你女朋友大嗌一句：‘女人真係茶煲啊！’。嗱，若然你如果你女朋友唔似朱茵，但係佢係一個道教徒，结婚之前又话 唔畀，而你知道呢，道教根本就冇哩家嘢嘅，噉呢，你就可以指住佢個头大嗌一句：‘女人真係茶煲啊！’係嘞。又或者係咁啱呢，你啊，女朋友啊係信邪教嘅，喺 结婚之前呢猛要。但係呢你好gui。噉呢，你就可以对住你女朋友，然之后望住张床大叫：‘女人真係茶煲啊！’。好嘞，若然如果你趁住大闸蟹当灶，去街市买 只蟹公返屋企，希望呢食蟹公，点知一拆开，原来佢係蟹乸嚟嘅。噉喺哩個时候，你就可以指住只蟹LA個肚，大叫：‘女人真係茶煲啊！’。若果你行街跌亲，整 XUN咗個膝头哥，揾支消毒水希望呢搽一搽，发学一搽好NA！由于‘乸’喺广东话中係女性嚟嘅，所以喺哩個时候你可以唔讲好NA。而係指住個伤口大叫： ‘女人真係茶煲啊！’係嘞。就係噉样嘞。仲有，或者你嚟自由行行街嘅时候，同女朋友拖得好地地，突然间行开咗。噉你行埋去谂住NIN你女朋友個羅友一下。 咦！然之后你先发现你认错人！噉样，喺哩個时候你就可以指住你认错咗嘅女仔大嗌一句：‘女

人真係茶煲啊！’好嘞。今日嘅笑谈广东话又告一段落嘞。多谢收 听。

05集 你都烚戆嘅！

A：大家好，欢迎大家收听笑谈广东话。我係你嘅节目主持人利下王。 B：我係夫人。

A：今日会要教大家嘅广东话係： 若果你遇到一個好荒谬嘅情况，噉你点讲呢。嗱，若果你嚟到香港自由行，遇到好荒谬嘅情况嘅话呢，你就可以大嗌一句：‘你都烚戆嘅！’。好嘞，宜家开始咯 噃。若然你嚟到香港自由行，喺香港旺角波鞋街，买咗对日本水货波鞋。成二千几银嘅。但係你一返到内地，喺鄉下一睇個招纸，发现原来係Made in China。哎呀￣￣你就可以大嗌一句：‘你都烚戆嘅！’。好嘞，但係喺哩個时候呢，通常姨婆呢就会走出嚟，就同你讲，话佢寻日先啱啱将哩对鞋车起，咁快 就有得卖嗱？噉喺哩個时候，你就可以指住阿姨婆大嗌一句：‘你都烚戆嘅！’。当然啦，你姨婆都会回番你一句：‘你都烚戆嘅！’。噉啊究竟边個先至係戆居 呢、荒谬呢，噉啊心中有数嘞。好嘞，嚟睇下其他情况。如果你自由行将要去澳门旅行，噉啊去到呢澳门码头等候室，见到啲香港人一個二個瞓嗮喺啲按摩椅上边， 但係又唔入钱噃！噉呢，喺哩個时候你可以指住啲香港人大叫一句：‘你都烚戆嘅！’。或都你又可以看指住何洪生大叫一句：‘你都烚戆嘅！’。又或者甚至乎指 住何超宜大嗌一句：‘你都烚戆嘅！’。好嘞，又或者你嚟到香港，发现啲香港人近排係咁煲Sex in the city（前段时间TVB明珠台热播的剧集，楼主注）。睇完之后，当自己真係喺外国返嚟。以为自己好OPEN。噉样呢，喺哩個时候呢你指住佢哋，大嗌一 句：‘你都烚戆嘅！’。再大声啲！‘你都烚戆嘅！’再讲！‘你都烚戆嘅！’再讲！‘你都烚戆嘅！’。嗱，点解讲四次呢？原因呢就係呢，Sex in the city入面有四个女主角嘅，一人一句。噉当然啦，Sex in the city係英文嚟嘅，所以呢你要同啲香港人就讲番英文，所以嗰句说话就变成：‘You 都烚戆嘅！’。再讲‘You 都烚戆嘅！’再讲‘You 都烚戆嘅！’再讲‘You 都烚戆嘅！’嗱，大家记得点解要讲四次嘞。我亦都唔讲重复。好嘞。又或者，之前，你喺睇到啲候选议员嗰啲候选告示话：佢成功争取绿公仔现场检票。但係当你 过马路嘅时候发现，好似冇咩分别。噉，你就可以指住個绿公仔大叫一声：‘你都烚戆嘅！’。嗱，如果你同個friend搭小巴。当你個friend落车嘅时 候，同個司机小巴讲呢：嘩咳！**。结果小巴司机又真係畀佢咁做噃！噉你呢，就可以企起身指住個呔盘大嗌：‘你都烚戆嘅！’然之后呢你可以唔畀钱，就噉落 车，然之后一再指住個司机再话：‘你都烚戆嘅！’。冇错嘞。又或者，如果啊，你啊准备去维港巨星会睇JIUJIU。点知你买‘菲’嘅嘅时候，大会突然话， JIUJIU嗰日呢将唔会卖‘菲’，会派嘅。噉呢，你就收返的钱，但係你又排唔

到队攞‘菲’喎！哎呀￣￣喺噉嘅时候呢，你就可以企上天马舰隔离嗰条天桥， 离远咁指住‘*tow’，大叫一句：‘你都烚戆嘅！’。嗱当然啦，‘*tow’有两個人嘅关系，所以呢你要讲多次嘞。‘你都烚戆嘅！’好嘞，又因为呢 ‘*tow’唔係香港人，係俄罗斯人嘅关系。所以呢，你就要讲俄罗斯话嘞。（晕啦！我唔识俄文）好嘞，今日嘅笑谈广东话又告一段落嘞。多谢收听

06集 真係弊家nail啊！

A：大家好，欢迎大家收听今日嘅笑谈广东话。我係你哋嘅节目主持人利下王。 B：我係夫人。

A：今日我教大家嘅广东 话係：如果你遇到一個极度撞板嘅情况。噉广东话应该点讲呢。听住咯噃，极度撞板嘅情况嘅广东话就係――‘真係弊家nail

啊！’。好嘞，开始举個例子咯 噃。好果你喺参观哩一個今年嘅航天科技展，喺入边嘅场地里面呢，你就睇嗰個杨利伟着嘅太空衣啦。你一睇，发现件太空衣有张招纸，张招纸上面写住：Made in U.S.A. 噉係哩個时候你就可以指住张招低大喝句：‘真係弊家nail啊！’跟住，你就睇個回归仓。誰不知你忘形有手指一笃，笃穿咗個回归仓！噉呢， 你呢就指住自己嘅手指大嗌一句：‘真係弊家nail啊！’。跟住呢，你就打开個回归仓啦。然之后一望，见到杨利伟喺入边！噉你就开以指住杨利伟大嗌一句： ‘真係弊家nail啊！’。原来呢杨利伟呢係入咗去之后，大家唔记得咗放番佢出嚟。所以呢你就救佢出嚟嘞。点知你喺救佢出嚟嘅期间，佢唔觉意扑亲，仲撖暴 咗個唇！哎呀￣￣我哋中国英雄杨利伟撖暴唇，噉人喺哩個时候你就可以指住杨利伟個嘴，大喝一声：‘真係弊家nail啊！’再喝一声！‘真係弊家nail 啊！’一句畀上唇嘅！‘真係弊家nail啊！’。一句畀下唇嘅！‘真係弊家nail啊！’冇错嘞。就係噉样呢。你就救咗阿杨利伟出嚟。而杨利伟呢跟住去咗 重庆大厦嗰度食咖喱。因为呢巴基斯坦籍嗰啲人唔认得佢嘎，因此呢就畀巴基斯坦嗰啲人打！喺哩個时候见到哩個情况，你当然指住班巴基斯坦籍人大喝一句：‘真 係弊家nail啊！’班巴基斯坦人呢就畀你吓疾。喺哩個时候呢你就可以同杨利伟趁机逃走。然后揾架车。噉啊你呢仲即刻冲咗上去，而杨利伟仲坐咗司机位添。 点知，坐住司机位嘅杨利伟同你讲，原来佢唔识揸车嘎。仲问你一句：?有没有飞机？?喺哩個时候你就可以指住杨利伟大嗌一句：‘真係弊家nail啊！’不过 又奇怪噃，佢问完之后又真係有架飞机喺侧边停咗喺度。仲接咗杨利伟走添。杨利伟呢因为鉴于你曾经救过佢两次啊，所以啊佢呢就送咗饼录影带畀你。佢话哩饼呢 係从未公开过，佢啊细個嘅冲凉片断嚟嘎。喺哩個时候，你就可以指住杨利伟大嗌一句：‘真係弊家nail啊！’。好嘞，当杨利伟坐飞机逃走咗之后，重庆大厦 就剩番你，同埋啱先嗰班巴基斯坦人喺度！喺哩個时候，嗰班巴基斯坦

人就会指住你大喝一句：‘真係弊家nail啊！’。噉你就知道你真係弊家nail嘞！好 嘞，今日嘅笑谈广东话已经播放完毕。多谢你嘅收听。

注：口语中还有‘弊家火’。‘nail’一字应该原于粤剧中模仿京剧的官腔。

07集 你咬我食啊！

A：大家好，我係你嘅主持人利下王。 B：我係夫人。

A：今日要教大家嘅广东话係，如果你喺街度同人撩事斗非，想同 嗰個人作出极度挑畔性嘅行径，然之后呢想讲出你奈我唔何嘅广东话。噉就点讲呢。嗱，奈我唔何嘅广东话係：‘你咬我食啊！’。好嘞再听多次，奈我唔何嘅广东 话係：‘你咬我食啊！’。好嘞，辟如係噉：喺过去嘅星期三你去睇《***III》嘅首影。谂住可以一睹奇诺李维斯嘅风采。点知你去到，见唔到奇诺李维斯， 见到李連杰！噉喺哩個时候，你为咗泄愤，就特登认错佢，企起身大声同阿李連杰讲：?你咪洪金宝！？?由于，佢冇你偈嘅关系，所以你可以mag大口大喝佢一 句：‘你咬我食啊！’嗱，跟住呢你就可以呢返埋位坐，欣赏《***III》嘞。噉就开始坐定定啦。由于啊，你嘅怒气未消，所以呢，你喺十点钟开画嘅时候， 你呢为咗泄愤，打破佢‘全球同秒播影’哩一句嘅口号。所以喺播放嘅时候，你特登合埋双眼两秒！破咗佢嘅全球同步同秒播影，跟住你就可以企起身，大声咁指住 個银幕喝一句：‘你咬我食啊！’。好嘞各位自由行嘅游客。跟住呢，你可能游香港游到入元朗（位于新界），见到嗰条几日都未捉到嘅鳄鱼！啊￣￣你就当堂吓咗 一跳。然之后呢，惊佢呢走过嚟咬你。点知呢喺哩個时候，有個路人行出嚟，叫你唔洗惊。佢仲话，嗰条唔係鳄鱼，係泥鳅！你成個人就定番嗮￣￣噉啦。仲可以即 刻指住嗰条四尺长嘅泥鳅，大喝一句：‘你咬我食啊！’跟住，住喺元朗嘅陈太咁啱又行出嚟，就话畀你听，嗰条唔係泥鳅，係溏蚤（一种鱼，不知在北方叫什 么）！噉你個心当堂又再定多一定。行近条溏蚤一步，指住嗰条溏蚤又大嗌：‘你咬我食啊！’誰不知，哩個时候又有一個小朋友行出嚟，话嗰条绝对唔係溏蚤，係 唐奥！由于你心知唐奥只係一条菜！所以呢你又行埋去嗰条四尺长嘅大唐奥隔离，指住条唐奥大喝一句：‘你咬我食啊！’。嗱，当你讲完哩句之后呢，由于啊离条 唐奥呢近嘅关系啊，你发现嗰条原来真係鳄鱼！你就好嬲，想转身闹嗰班话鳄鱼係泥鳅、溏蚤、唐奥嗰班人。点知，佢哋好远好远喺河嘅另一边，指住你，大喝一 句：‘你咬我食啊！’一句！‘你咬我食啊！’一句！‘你咬我食啊！’。係嘞，分别呢係为溏蚤、唐奥同埋泥鳅讲嘅。嗱，你噉畀你闹完之后梗係觉得自己好冇面 啦。但係，当你谂番起听到收音机有個DJ，认错咗只白鸽係鸡！啊￣比你更加失败！喺哩個时候，你就可以改一改句说话，指住嗰個DJ大喝一声：‘我咬你食 啊！’好

嘞，今個礼拜嘅笑谈广东话又告一段落嘞。你，中唔中意今集呢？嗱，无论你中意同唔中意，我都会同你讲：‘你咬我食啊！’再见，多谢收听。

08集 珍珠都冇咁真啊！坚过石坚啊！

A：各位自由行嘅朋友，今日又係要我为大家介绍下广东话嘅实用方法嘞。听住咯噃。今日要教你嘅呢係咩广东话呢？今日要教嘅广东话就 係：若果有人怀疑你讲嘅嘢係咪真，嗱，你想话畀人听係好真嘅。好真嘅广东话係点讲呢？嗱，听住咯噃。好真嘅广东话係：‘珍珠都冇咁真啊！’。冇错。再听多 次。好真嘅广东话係：‘珍珠都冇咁真啊！’。嗱，若然呢，你觉得‘珍珠都冇咁真啊！’都唔係好真嘅话呢，有一句係更加适用嘎。当人怀疑你係唔係真嘎嘅时候 呢，你就可以讲：‘珍珠都冇咁真啊！’。如果佢唔信你就可以用劲啲噶噃。劲啲嘅嗰句就係￣￣‘直头坚过石坚啊！’。冇错嘞，再讲多次。‘直头坚过石坚啊！ ’。好多时候呢，我哋就唔讲‘直头’两個字嘅。就咁拣后边呢香港人就明嘎嘞。嗱，重复。第一句係――‘珍珠都冇咁真啊！’；第二句係：‘坚过石坚啊！’。 冇错嘞。好嘞，宜家开始实用咯噃。如果有一日，你落到嚟香港。同啲香港朋友饮开茶。咁难得同佢哋聚下一堂，就当然喺佢哋面前眩耀一番自己点富有啦，係咪 係？你呢就可以同佢哋讲，你好有钱。话畀佢哋听，你喺上面（指大陆）有三百几只羊，百几只鸡，同埋十几只蕉！如果佢哋双眼有些少犹疑，就同你讲‘係咪真嘎 ’噉。喺哩個时候你就可以对住佢哋只眼讲，大喝一句：‘珍珠都冇咁真啊！’如果佢哋仲係唔信，噉你就可以喺哩個时候指住佢哋個鼻，补多一句：‘坚过石坚 啊！’。噉样，佢哋就会当堂畀你哩两句说话吓咥。咩都做唔到嘎嘞。好嘞。又或者有一日，你拎住你嘅冒牌LV手袋，谂住拎去香港嘅专门店，换番一個真嘅扣。 点知個sales一望到個袋，就话係假嘅，唔肯同你换。而你明知你個冒牌LV哩個手袋上面明明係印满住SG嘅。喺哩個时候你都唔洗惊。你可以指住個 sales同埋指住個SG大喝一句：‘珍珠都冇咁真啊！’。如果佢仲係唔信，你就补多句更加劲嘅广东话：‘坚过石坚啊！’。噉佢哋呢就会当堂畀你哩两句说 话吓咥咗，然之后呢就会同你换番一個真嘅扣嘎嘞。嗱，若果你唔相信哩两句说话，包括‘珍珠都冇咁真啊！’ 同埋 ‘坚过石坚啊！’係可以说服到人嘅话呢， 噉呢可以试下攞啲?阴司纸?（注：即冥币）去化装品铺头，同個化装小姐讲，你话：我要用哩啲人民币，去买你哋嗰啲＊＊化装品。嗰個小姐见到哩啲阴司纸呢， 一定以为自己撞鬼嘎。但係呢，佢亦都唔会信你嗰啲係人民币嚟噶噃。噉呢你就可以指住啲阴司纸，大喝一句：‘珍珠都冇咁真啊！’。如果佢都係唔信，当然呢你 可以知道嘞，加句更加有力嘅广东话：‘坚过石坚啊！’。嗱如果佢仲係唔信呢，唯有用最后嘅方法，我今日教你嘅，就係将哩两句双剑合壁！指住個阴司纸同埋指

住個sales，大喝一句：‘石坚都冇咁真啊！’大喝多句！‘石坚都冇咁真啊！’好嘞。最后，如果有一日你返去鄉下。啲同鄉问你：**係咪真係咁瘦嘎？ 噉。噉喺哩個时候呢，你就唔可以用哩一句‘珍珠都冇咁真啊！’，又或者係‘坚过石坚啊！’。因为亦都係太过唔够犀利嘞。噉呢你亦都唔可以用嗰個本身嘅双剑 合壁噶喎――‘石坚都冇咁真啊！’。係嘞，因为都係唔够犀利。喺哩個时候，有人问你阿**係咪真係咁瘦啊。你就要变通一下，对住個同鄉大喝一句：‘石坚都 冇咁FIN啊！’大喝多次！‘石坚都冇咁FIN啊！’冇错嘞。喺哩個时候你觉得，如果头先嗰两句话。。。唔准笑啊下！包括係：‘珍珠都冇咁真啊！’。唔 係，改变咗嗰個。‘石坚都冇咁FIN啊！’同埋‘石坚都冇咁真啊！’哩两句，都唔够真嘅话，我只能够同你讲一句。。。‘珍珠都冇咁FIN啊！’。各位，今 日笑谈广东话又完全（主持已经笑得不知所谓了）嘞。希望大家明白点用哩两句说话咯噃。多谢大家收听

09集 你今次真係疴拔甩啊！

A：大家好！多谢你收听呢個环节。我。。。就係呢個节目嘅主持人，利下王。 B：我係夫人。

A：今日教大家講嘅广东 话係：如果你发现自己遇到一個好坏嘅情况。例如有一日，喺屋企去厕所嘅时候，疴血！喺呢個情况嘅时候，嘩￣￣当然係坏啦￣￣！噉嘅情况，一係你就係胃溃 疡；一係你就係心癌！又或者是你食咗好多番茄。当然，食番茄就梗係冇嘢啦。但若然你真係生癌嘅话，导致疴血呢，噉呢個情况就好差嘞。噉喺呢個情况，广东话 我哋就叫做：‘你今次真係疴拔甩啊！’冇错！?拔甩?（blood，楼主注）本来係英文词嚟嘎。?拔甩?亦都係中文，我哋叫佢?拔甩?。好嘞，跟我講一 次，呢個中文字：?拔甩?；英文字：?拔甩?。好嘞，大家都好熟嘞。噉，嗱，听住咯噃。?拔甩?係中文定英文啊呢個？

B：英文！

A：错嘞！係中文嚟嘎。嗱，呢個嘞，?拔甩?，呢個呢？

B：中文！

A： 错嘞！呢個係英文嚟嘅。好嘞，当大家呢对?拔甩?呢個字中英文嘅发音都清晰之后呢，就开始实用性嘞。嗱，如果各位自由行嘅游客，你嚟香港睇报纸，发现你嘅 电影偶象喺电影金象奖，因为公布咗票数之后，输咗好多票！攞唔到奖！而又咁啱喺香港街市嗰度撞到佢买餸，喺呢個时候，你就可以指住佢，同佢講：‘你今次真 係疴拔甩啊！’再講：‘你今次真係疴拔甩啊！’再講！‘你今次真係疴拔甩啊！’又或者，你喺街度。。。你喺街度撞到**。发现佢瘦咗好多。但係呢前几日 呢，你呢先啱啱呢同同鄉，喺鄉下度笑佢肥！噉呢你

就可以喺呢個时候，立即指住自己，同自己講：‘我今次真係疴拔甩啊！’再講！‘我今次真係疴拔甩啊！’当 然咁难得见到**你指住佢講！‘你今次真係疴拔甩啊！’如果，若果啊，呢個情况已经好坏嘞，遇到比呢個情况更坏，咁点呢？辟如，你喺香港啲金铺度买金。就 发觉所有金都畀你买嗮嘞。連?金曾志伟?個头都畀你买埋。但係呢，你都仲係有好多钱剩洗唔嗮，噉喺呢個时候呢，你就可以对住個金铺嘅职员大喝一句：‘你今 次真係疴拔甩啊！’再講一句！‘你今次真係疴拔甩啊！’如果嗰個金铺嘅职员好无奈咁回你一句：?冇啊，我冇疴拔甩啊！?噉你就可以升级，用另外一句，比疴 拔甩更加严重嘅广东话：‘你今次真係疴木塞啊！’再講！‘你今次真係疴木塞啊！’。嗱，木塞呢本来係用嚟塞住啲嘢嘎，若然都疴得出嘅话呢，就即係塞唔住， 情况好严重嘞。若果個职员呆咗，噉你就可以立即乘胜追击。講句劲啲嘅，‘你今次真係疴大吉啊！’再講！‘你今次真係疴大吉啊！’如果個职员喊嘅话呢，你就 再講句劲啲嘅！‘你今次真係 coco甩啊！’再講！（笑）‘你今次真係疴coco甩啊！’。。。喺咩情况之下，你啊妈吖（講粗口），你疴出咁大個coco甩呢？喺呢個情况，一定係好 坏嘎嘞。当然，如果你想臵個金铺职员于死地。噉，喺呢個时候，你就可以用一句最劲嘅，对住個职员大喝一声：‘你今次真係疴拔甩嘅coco甩啊！’再講， ‘你今次真係疴拔甩嘅coco甩啊！’你谂下，疴coco甩已经情况严重嘞，仲有（笑）。。。应该個情况就好不妙嘞！所以记住，唔係最后個关头都唔好講呢 句：‘你今次真係疴拔甩嘅coco甩啊！’好嘞，今日节目差唔多嘞，希望各位自由行嘅游客，我祝你哋复活节，唔会疴拔甩嘅coco甩！

10集 我食硬你呀!

A：嚟嘞！笑谈广东话又嚟咯噃。你好，欢迎你收听笑谈广东话。我係你嘅节目主持人利下王。 B：我係夫人。

A：唔。 今日我哋要教自由行人士嚟到香港，讲嘅广东话就係：当然你想表示自己好肯定嘅时候，应该講咩广东话呢？好嘞。好肯定嘅广东话係：‘我食硬你啊！’好，再重 复：‘我食硬你啊！’嗱?食硬你啊?係响（＝喺）嚟到香港旅行嘅时候，好好用嘅一句广东话嚟嘅。首先你要知道?食硬?係咩意思。?食硬?即係代表肯定。食 就食啦，係咪係（反意疑问），宜家唔只食咯喎，就算係硬都食咯喎。嗱，如果硬都食呢，就即係好肯定会食嘞。嗱辟如你好肯定你会食豆腐，就算舊豆腐变硬都 食，噉就好肯定食啦。噉你就可以对住块豆腐大喝一句：‘我食硬你啊！’若果你跟啲饮食杂志啲书，谂住去西贡食番個蒥莲糖水。因为你喺鄉下呢，冇蒥莲呢样嘢 嘎，点知去到间糖水铺先发现，嘩

￣一闻，原来蒥莲臭咁。。。臭咁脚嘅。掉转咗添，原来蒥莲脚咁臭嘅！但係一场嚟到，冇理由唔食嘅￣￣噉你就可以指住個卖蒥 莲糖水嘅姑娘大叫：‘我食硬你啊！’又或者指住佢对臭脚大喝一句：‘我食硬你啊！’不过当然啦，若果同食冇关嘅可唔可以都用呢句广东话去用呢？嗱呢句咁有 劲度嘅说话：‘我食硬你啊！’，就算唔食嘢都可以用嘎。辟如，如果你嚟到香港。谂住志返对名牌嘅波鞋返去威下，点知你嚟波鞋街啲铺头见到，对名牌波鞋炒到 成二千几呅一对。咁贵，实唔够钱买啦。咦！点知你一望，见到隔离巷仔個地摊度摆咗对一模一样嘅冒牌波鞋，只係买两舊水（二百块）嘎嗻。喺呢個时候，你就可 以笑吟吟咁指住对正牌波鞋大喝一句：‘我食硬你啊！’因为你知道你一定可以买呢对冒牌嘅波鞋返去充当係正牌嘞。记住，係指住对正牌波鞋大喝一句：‘我食硬 你啊！’又比如嚟到香港啲名店买紧LV，见到有個sales好靓女，你肯定会追佢啦。噉，你就可以对住個靓sales大喝一句：‘我食硬你啊！’如果佢无 动于衷嘅话呢，你就可以揾個LV袋笠住個头，大喝一句：‘我食硬你啊！’因为笠住咗個头嘅关系，所以你要大声啲先喝出個威势嘎：‘我食硬你啊！’再大声啲 （笑）：‘我食硬你啊！’后边你发现咗，原来，哎呀――阴功囉，佢唔係sales，只係一個顾客，仲係阔太添。咁就即係你冇可以食得咁硬嘞。噉呢你就要软 弱返。食得冇咁硬软弱返你可以講：‘我食你啊！’嗱，一冇咗個硬字嗻，成個势就冇咗嘞。去咗亚洲嘞。再講！‘我食你啊！’再講！‘我食你啊！’好嘞，又或 者，落到嚟香港谂住搭地铁，去到车箱发觉成架车都係人。咁好彩有個人起身，你就即刻行埋去啦。点知有個人想同你争位。喺呢個时候你就飞身扑埋去嘞。当你飞 身扑埋去嘅时候你好肯定你自己可以抢到呢個位，噉你就可以凌空向住同你争位嘅人大喝一句：‘我食硬你啊！’係飞紧嘅关系呢，所以啲声係比较长啲嘎：‘我食 硬你啊！’再嚟：‘我食硬你啊！’但係嗰個人即刻剥起咗件上身衫，打出一身肌肉。佢对胸肌怒盯住你。嘩￣你发觉哎呀￣￣原来你一定唔够佢打，势色唔对想缩 沙，你就可以大喝一声：‘你食硬我啊！sorry!’再大喝一声：‘你食硬我啊！sorry!’好嘞，又或者你为咗刺激，夜晚三更半夜走咗去上海街同钵兰 街一带猎奇，嗰度品流复杂，好多黑社会人士噶噃。咁啱你唔小心唔觉意咁一锤打晕咗一個黑社会大哥，结果走出咗百几個黑社会瘦犲出嚟，佢哋要揾你寻仇！而你 自己本身呢，又咁啱响内地又係黑社会嚟嘅。又係有好多好瘦嘅手下，但係宜家又运唔切落嚟，又唔想自己失咗喺无锡一带嘅威信，因为无锡嘅排骨一向都出名嘎 嘞。冇理由输畀旺角嘅排骨嘅！噉你就可以对住班排骨大喝一声：‘我食硬你啊！’又对住最瘦嗰個排骨讲声：‘我食硬你啊！’然之后逐個講！‘我食硬你

啊！ ’。。。。。。差一個：‘我食硬你啊！’不过唔好急，要清楚。如果唔係呢，你就变得唔够肯定嘎嘞。嗱，再指住佢哋逐個講多次：‘我食硬你

啊！ ’。。。。。。又係差咗個：‘我食硬你啊！’若果去到呢個时候你先发觉，搞错咗，嗰班排骨原来唔係黑社会，只不过係参加**30嘅**斗士。噉你呢講错嘢 嘞。因为佢哋係三十個小时都唔会食嘢咖嘛。你唔可以喺佢哋面前讲啲

咁肯定食嘢嘅说话嘎。所以你就要講：‘我食硬你啊！’不过呢句说话唔啱嘅，因为佢哋三十 個小时唔食嘢係好有意义嘅。噉你就唔可以向佢哋大叫呢一句你。。。你。。。食唔食嘢嘞。你呢就要講另一句，你就要问佢：?你得唔得啊？?。?你得唔得 啊？?呢句说话呢，响**每年都会講嘎嘞。?你得唔得啊？?係问啲斗士嘅。三十個钟唔食嘢，你得唔得啊？噉嗰班斗士呢就会好肯定咁答返你：‘我食硬你啊！ ’?你得唔得啊？?‘我食硬你啊！’。。。。。。**斗士响营地一齐答我吖，‘仲得唔得啊？’‘我食硬你啊！’多谢

11集 你信唔信我郁你丫拿?

A：欢迎收听笑谈广东话。我係你哋嘅节目主持人利下王。 B：我係夫人。

A：今日要教你嘅广东话係好有攻击性同好有 创意嘅。嗱，你谂下，当你想吓人嘅时候，广东话点講呢？係嘞。吓人嘅广东话係：‘你信唔信我郁你吖

嗱！’。再講：‘你信唔信我郁你吖嗱！’嘩￣真係吓死人 嘞。因为呢句说话呢，目的係吓人嘅。所以講嘢嘅力度呢要大，语气要恶。噉先至有效果嘎。‘你信唔信我郁你吖嗱！’好好，恶啲都仲得！‘你信唔信我郁你吖 嗱！’最恶！‘你信唔信我郁你吖嗱！’。係嘞，噉好好多嘞。‘郁你’嘅意思呢，其实喺广东话即係打你噉解。当你嚟香港旅行嘅时候，遇到啲任何不满嘅地方， 你都可以用呢句说话嘎。比如，你搭紧机铁，出紧市区，喺机铁内面呢，有啲死人香港仔小朋友，冇离家教！不停嘈冤巴闭。CEU佢啲菲佣叫佢哋静啲呢，佢哋就 起飞脚踢嗰菲佣。而你发觉個菲佣個样成個***咁嘅。好索！你就可以指住啲小朋友大喝声：‘你信唔信我郁你吖嗱！’嗱想增加你嘅气势呢，你不防弹起嚟講啊 下。嗱，弹起！講！‘你信唔信我郁你吖嗱！’。再弹起，講！‘你信唔信我郁你吖嗱！’再弹，講！‘你信唔信我郁你吖嗱！’。嗱，若果你弹几次係噉講呢，啲 leng1仔喊，噉就代表你講呢句广东话講得准嘞。若果佢哋若无其事咁继续玩，仲起飞脚踢咗只鞋上你個头上面添。你就可以顶住佢只鞋，跳上机铁张凳上面， 指住佢哋大喝一声：‘你信唔信我郁你吖嗱！’噉样，唔好话班leng1仔，連车都静嗮。嗱相同，我哋出到香港，你发现近排香港好烦，咩都要登记嘅。玩愈加 要登记、睇医生要登记、投票要登记、喺咪吖，連饮茶都要登记嘅。而你一向喺大连嗰边都唔洗登记嘅。噉样呢嚟茶楼嘅咨客叫你登记嘅时候，你就可以用呢句说话 咯噃，因为呢茶楼嘅关系呢，我哋要用小小道具。你可以执起两個叉烧包嚟眼度，然之后指住個咨客话：‘你信唔信我郁你吖嗱！’。嗱，一路講仲可以拎住個叉烧 包，而之后一路捏個叉烧包，逐一只字講一次捏一下：‘你 信 唔 信 我 郁 你 吖 嗱！’。嗱提干快啲！‘你信唔信我郁你吖嗱！’。。。捏到好暢 顺嘅：‘你信唔信我郁你吖

嗱！’。。。嗱捏到好似冇捏一样：‘你信唔信我郁你吖嗱！’再劲啲！‘你信唔信我郁你吖嗱！’嗱個呢就講广东话同捏叉烧包嘅最高 境界嘞。就係噉嘎嘞：‘你信唔信我郁你吖嗱！’。嗱若果佢都係要你登记嘅话呢，噉就登记啦。嗱若果你嚟到香港买底裤，因为香港啲底裤质地好款式又新颖係咪 係啊，噉就当手信最好选择。买嘅时候梗要试啦下。但係個sales通常唔愿意畀你度啲底裤嘎，嗱你试咗几条之后佢仲表现出好唔耐烦嘅表情，噉样你就可以呢 着住佢条底橫，指住佢话：‘你信唔信我郁你吖嗱！’又或者掹恒一条喺手上面大话：‘你信唔信我郁你吖嗱！’顺势笠埋上头再大叫话：‘你信唔信我郁你吖

嗱！ ’扭埋羅友大叫话：‘你信唔信我郁你吖嗱！’拍恒大畀大叫话：‘你信唔信我郁你吖嗱！’嗱噉样呢你連试埋女装底裤佢都唔敢话你嘞。但係当你问紧：‘你信唔 信我郁你吖嗱！’嘅时候，佢居然好冷静咁答：‘唔信！’。噉点呢？嗱喺呢個时候呢，由于佢已经唔怕你郁嘞，所以呢你就要講劲啲，对住佢大叫话：‘信唔信我 sug你吖嗱！’嗱重复一次：‘信唔信我sug你吖嗱！’因为sug佢唔知係乜野嚟嘞，其实郁同sug係一样嘅。你要去郁佢或sug佢都係相同。不过呢香 港人对于呢個sug字比较陌生，佢以为係新嘢。反而畀呢句自由行嘅广东话吓返佢一跳。咁佢谂唔起点样sug佢喎，所以呢佢就会呢畀你吓咥嘎嘞。好嘞，再重 复一次：‘信唔信我sug你吖嗱！’冇错。若然啊，你发觉呢句‘sug你’都唔得。你就可以着住条底裤话：‘信唔信我sug你吖嗱！’掹恒佢条底裤话： ‘信唔信我sug你吖嗱！’顺势戴上头话：‘信唔信我sug你吖嗱！’扭埋羅友大叫：‘信唔信我sug你吖嗱！’拍恒大畀大叫：‘信唔信我sug你吖嗱！ ’但係若然個sales都唔惊嘅，就唯有出绝招嘞。Double！sug佢两次！‘信唔信我sug sug你吖嗱！’再嚟：‘信唔信我sug sug你吖嗱！’然之后掹恒条底裤话：‘信唔信我sug sug你吖嗱！’顺势笠埋上头话：‘信唔信我sug sug你吖嗱！’扭埋羅友大叫：‘信唔信我sug sug你吖嗱！’拍恒大畀大叫：‘信唔信我sug sug你吖嗱！’如果sug sug佢都唔惊就真係要出绝招嘞。就係：‘信唔信我se m se m你吖嗱！’如果叔叔都唔惊，噉呢句就真係惊嘞：‘信唔信我se m se m你吖嗱！’如果婶婶都唔惊呢，就要揾啲辈份再大啲嘎嘞。‘信唔信我公公你吖嗱！’再嚟：‘信唔信我公公你吖嗱！’好嘞。如果連公公都唔得呢？就要将所有 加埋嗮一齐講嘞：‘信唔信我叔叔婶公公郁郁你吖嗱！’再嚟：‘信唔信我叔叔婶公公郁郁你吖嗱！’聪明嘅你可以发觉郁你只係用咗一次嘎。亦即係话去至最劲係 呢句话：‘信唔信我叔叔婶公公郁郁你吖嗱！’再嚟：‘信唔信我叔叔婶公公郁郁你吖嗱！’冇错嘞。若然佢都唔信嘅话呢，呢個人係香港嘅恶爷！好恶嘅，所以都 係走为上着稳阵啲。好嘞，今日笑谈广东话又係时候到嘞。下次希望你再次收听。多谢。

12集 我识（係）你老鼠!

A：大家好。我係你嘅节目主持人利下王。 B：我係夫人。

A：今日我要教大家嘅广东话就係，如果你遇到一個你唔识嘅 人，又或者见到一样唔知咩嘢嚟嘅嘢。噉喺呢個时候，广东话点講呢噉？如果你遇到一個你唔识嘅人或者见到一样唔知咩嘢嚟嘅嘢呢，广东话就係講：‘我识（係） 你老鼠！’再講：‘我识（係）你老鼠！’嗱，老鼠係一种动物。噉样講法：‘我识（係）你老鼠！’即係话呢，你係一种动物。就噉简单嘞。好嘞，宜家呢我就开 始试一试啲广东话实用例句咯噃。嗱，自由行嘅朋友，当你趁住五一黄金周，嚟到香港参观啱啱落成嘅?星光大道?。点知你行行下，发现有人喺星光大道对出嗰度 跳海。哎呀噉危急嘅关头呢，就噉啱有一個警察路过。仲呢谂住跳海嚟救佢嘎。但係呢個警察呢支枪唔湿得水啊，所以佢除低支枪，谂住交畀一個信得过嘅人。就揾 到你！叫你拎住。不过呢你同呢個警察索未谋面，冇理由要帮佢拎住支枪嘎嘛，係咪？况且你又唔係香港人。噉係呢個时候，你就可以指住呢個警察大喝一句：‘我 识（係）你老鼠！’再講！‘我识（係）你老鼠！’指住佢顶帽：‘我识（係）你老鼠！’不过呢如果講完呢句话，佢都係坚持係要zed支枪畀你。噉你都冇办法 嘞。因为佢救人心切，况且佢係警察见义勇为。噉呢你就照揸住支枪啦。但係当個警察跳咗落海之后呢，你就可以跟手掉支枪落去嘞。然之后指住個警察大喝一句： ‘我识（係）你老鼠！’。嗰個警察喺個海度听到你噉講呢，都冇办法，佢唯有话：‘我上岸嘅时候一定捉你！’噉喺呢個时候你就可以回敬返佢一句：‘你识 （係）我老鼠！’冇错，因为佢係唔识你嘎，所以你可以大声啲講呢一句：‘你识（係）我老鼠！’。然之后斯斯然离开。好嘞。又或者你喺星光大道散步嘅期间， 行行下你突然之间被嘢keg到，一望之下原来keg到你嘅呢係一個小氹仔嚟嘅。你嬲得滞，于是呢就随身攞咗啲红毛泥填平咗佢嘞。填下填下先发现有人行埋 嚟，问你知唔知你填嗰個氹，其实係一個掌印。喺呢個时候，就可以指住個掌印大叫：‘我识（係）你老鼠！’。左手一次：‘我识（係）你老鼠！’右手一次： ‘我识（係）你老鼠！’两只手一齐：‘我识（係）你老鼠！’然后你望真下個手掌，发现隔离写咗句成语：‘望子成龙’。不过写漏咗‘望子’两個字。你就梗係 嬲啦，一句成语点可以漏咗头两個字呢，香港人啲中文水平实在太低嘞。噉你就指住剩係殃及。。。唔係唔係。。。你就指住‘望子成龙’剩低嗰两個字，成龙两個 字，指住佢大叫：‘我识（係）你老鼠！’好嘞。如果呢，喺呢個时候呢你心里面都係觉得好嬲，你可以将呢番说话话畀嗰個人听。你就话嘞，你哋中文水平太差 嘞！点开以写啲唔写啲呢？辟如殃及池鱼，剩係写‘池鱼’、玉树临风剩係写‘临风’点得啊噉样。嗰個人呢呢個时候就会话畀你听，成龙係一個明星嚟

嘎！咳！連 成龙你都唔识，好打都有限。喺呢個时候你千祈唔好被佢大到喎。你照样指住成龙個手印大叫：‘我识（係）你老鼠！’然之后你再指住嗰粒星话：‘我识（係）你 老鼠！’不过当你大喝之后，嗰個人呢可能呢发觉你咁唔尊重呢，佢就同你講：‘你知唔知佢係边個？’佢同你講：‘我就係卢伟光嘞。’由于你連成龙都唔识，又 点会识卢伟光呢？噉你就可以唔指住成龙個手印，转为指住卢伟光大喝一句：‘我识（係）你老鼠！’再大喝一句：‘我识（係）你老鼠！’噉佢听完之后应该会冇 瘾，和难而退嘞。如果你之后可以顺便睇埋其他明星手印，发现因为李小龙已经过身（去世），所以冇打到手印啊，不过呢噉啱见到有個人踎低，想帮李小龙补返個 手印喎，你见到噉嘅情况梗係上前质问佢啦。点可以畀人立乱冒认李小龙個手印嘅呢。点知你一望，ngog高头准备冒认李小龙個手印嗰個，就係欧锦堂！佢個样 好似李小龙嘎。喺呢個时候呢，你就可以指住阿欧锦堂大喝一句：‘我识（係）你老鼠！’又或者你嚟到香港，谂住去迪士尼玩一下。但係唔识就问人。但係迪士尼 冇开嘎嘛，噉啲人就唔知你講乜嘞。所以话（笑）。。。噉唔知做咩吖嘛。。。噉呢你呢佢就问你想去边度啊？噉样，你可唔可以形容下啊？噉你就可以講嘞：‘我 识（係）你老鼠！’冇错嘞。当然啦，嚟到香港嘅情况会有不同嘎。若然我识你老鼠用唔到嘅话呢，你可以摄喺其他嘅地方里面用。可以将老鼠改成：‘我识（係） 你老闆！’。噉呢打工仔就好惊嘞、‘我识（係）你老师！’啲学生又好惊啦、‘我识（係）你老婆！’噉呢啲怕老婆嘅人就惊嘞、‘我识（係）你老爷！’新抱 （媳妇）就好惊嘞、‘我识（係）你老凤！’噉就咩人都惊嘞，因为啲香港人好怕人哋‘老凤’嘎下、‘我识（係）你囟（通‘老’音）水！’噉啲鹅就惊嘞，啲鸡 又惊嘞、啲鸭又好惊嘞、啲肾又惊嘞、蠔汁同咖喱汁都惊嘞。好嘞，今日呢一句呢就教完大家嘞。希望大家下集再留意收听啦。

A：欢迎嗮大家。係咪觉得好奇怪呢。啱啱听完又嚟。冇错，因为五一黄金周嘅关系，所以今日我哋係会加长版嘎。你好，我係利下王。 B：我係夫人。

A： 好嘞。今日我哋依然教你嘅，就係呢句广东话：‘我识（係）你老鼠！’即係话你遇到一啲你唔识嘅人你就可以用嘞。‘我识（係）你老鼠！’头先講咗好多实例 嘞。跟住落嚟就好啱宜家用嘅。因为近排呢香港嘅治安比较差。如果你夜晚谂住去落D，FIFA下。点知见到有人打交(打架)。你本住中国人不打中国人嘅理 念，谂住义气仔女去劝交。嗰個人竟然对住你講话：‘江湖事江湖了!’你望住佢，知道佢個样既唔係张学友，又唔係刘德华。无端端咩江湖嗻!噉喺呢個时候你就 可以指住佢大喝句：‘我识（係）你老鼠！’。谁不知嗰個人，真係叫老鼠钟!佢见你一講就講咗佢個名出嚟，非常咁高兴。仲除衫露出蛊或仔嘅*mark：心口 呢一块从未受过太阳光洗礼嘅白肉。而喺呢個时候，警察亦都赶到嘞。拉嗮啲人，然后问你：识唔识阿老鼠钟，因为你知道嗰個係老鼠钟，如果你仲講：‘我识 （係）你老鼠！’係佢，‘我识（係）你老鼠！’係佢啊，係佢啊，‘我识（係）你老鼠钟！’唔係啊，係你识佢係老鼠啊。‘我

识（係）佢老鼠！’係嘞，就会被 警察呢认为你係同党。佢就会拉埋你。喺呢個时候，用唔到老鼠嘞。噉点算呢。嗱，头先我教过嘞，用唔到老鼠仲有其他选择嘎下。包括係：‘我识（係）你老慰 闆！’係嘞，你可以话畀個警察听。‘我识（係）你老闆！’佢啊。‘我识（係）佢老闆！’係嘞。噉呢阿老鼠钟佢自己就会好惊嘞。又或者你同個警察講：‘我识 （係）佢老师！’冇错嘞。阿老鼠钟又惊嘞，或者啊你可以同佢講：‘我识（係）佢老婆！’哗~~咳，噉佢個情人都好惊嘞。‘我识（係）佢老爷！’老鼠钟就会 话：ei？我边度有老爷啊？噉。‘我识（係）你老凤！’噉老鼠钟就会打你嘞。因为呢佢唔係老凤嚟嘎。‘我识（係）你囟水！’笑。。。好嘞，各位自由人，今 日笑谈广东话又告一段落嘞(笑ing)。下次再会。

13集 你读屎片架?

A：大家好。我係你哋嘅节目主持人利下王。 B：我係夫人。

A：由于母亲节嘅关系，所以今日要教畀各位自由神嘅广东 话，就係香港阿妈经常放喺嘴边嘅广东话嘞。嗱如果你发现有個人读过下书，但係竟然做出一啲极度愚蠢嘅行为，仲衰过啲未读过书嘅人。喺呢個情况，讲咩广东话 呢。广东话喺呢個时候就会话：‘你读屎片嘎？’重复一次：‘你读屎片嘎？’大家都知，因为屎片上面根本冇印任何嘅知识嘅。话你：‘你读屎片嘎？’噉就即係 话你都唔知读到啲咩嘞。好嘞，我哋宜家开始讲下实例。有一日你嚟到香港，谂住行下山，接触下大自然。点知行行下被人打劫，仲帮咗喺树上面。噉你真係好嬲 啦。以你所知呢，香港有九年免费教育嘅，呢個贼衰衰哋都读过九年书，都打劫! 噉你呢就可以对住佢大喝一句‘你读屎片嘎？’。攞你一百呅嘅时候讲句：‘你读屎片嘎？’攞住個银包嗰阵时又讲：‘你读屎片嘎？’抢你条颈链你又讲：‘你读 屎片嘎？’除你条裤你又讲：‘你读屎片嘎？’好嘞，跟住你望打劫你嗰個人，望真啲，嗨!原来 佢係佢係内地同你青梅竹马坐喺你隔离位嘅同学――***。呢次有救啦￣￣因为你同佢呢係一齐读?江门大学?（江门大学在广东省江门市。‘江’在广东话中通 ‘肛’音，）肠胃系嘅。于是你就嗱嗱霖叫佢個名，***！***！叫佢放你啦。放你啊！放你啊！噉。点知佢係都dab低地头死都唔认你。就喺呢個时候你就 可以指住呢個***同学，大喝：‘你读屎片嘎？’佢除你条裤你又讲：‘你读屎片嘎？’；攞你银包你又讲：‘你读屎片嘎？’除你条（颈）链讲：‘你读屎片 嘎？’攞你一百呅你讲：‘你读屎片嘎？’嗱佢听咗你呢几句之后呢，应该就会钩返起同你读书时候嘅回忆。就会打咗你几锤，然之后放你走嘞。噉你挨完人哋几 锤，走紧嘅时候你仲可以回头一望，同佢讲：‘你读屎片嘎？’虚惊一场之后，你搭小巴落山，去到旺

角见到一班掘路工人。掘起咗四個古董嘅水杯，你行埋去一 睇，原来係你一家四口上次落嚟旅行，饮完茶之后放低嘅纸杯嚟嘅。仲粘满泥。嗰班古物古迹办事处嘅人就以为係东汉嘅文物。仲攞佢哋返去博物馆。你梗係嬲啦 ￣￣你就即刻指住嗰几個掘地工人话：‘你读屎片嘎？’嗱佢哋呢本身係冇读书嘎，所以你闹佢哋‘你读屎片嘎？’佢哋呢就冇反应，唔会嬲不但只，仲会对住你笑 嘅。所以呢你就应该讲返畀另一班人听。嗱呢一班人呢，就係古迹古物文化处嘅人嘞。嗱你就指住佢哋大喝一声：‘你读屎片嘎？’大喝多声：‘你读屎片嘎？’大 喝三声：‘你读屎片嘎？’大喝四声：‘你读屎片嘎？’因为佢哋揾到四個碗嘅关系，所以讲四次就啱嘞。嗱当然你点解会噉嬲呢，因为呢几個碗呢你上次攞落嚟 用，谂住呢次用完带返上去再用嘎。佢噉样攞咗去博物馆你用唔到啦下。噉啊当然啲人听完你闹之后呢，仍然唔会知道嗰几只係低杯，照样搭车拎去博物馆。噉你唔 好理咁多咯噃。一路指住佢哋架车咯噃，一路闹，闹到佢架车消失为止。一路闹，闹啦！‘你读屎片嘎？’再闹：‘你读屎片嘎？’嗱一路闹：‘你读屎片嘎？ ’。。。係嘞，因为佢哋走得远嘅时候呢，你飞out佢哋都唔觉，你就可以走嘞。走咗去边呢？喺香港梗係要吸收下香港嘅文化气息。睇下班大学生们。走到大学 见到班大学打篮球，点知嗰班大学生打打下波，唔打波变打交。噉呢你见到呢個场面咁难得，即刻攞咗部头先喺旺角买嘅DV－CAM出嚟，谂住放佢上网公诸同 *。点知一攞出嚟嗰班大学生，哎呀！停嗮手唔打！喺呢個时候，你就可以指住班大学生大喝嗰句：‘你读屎片嘎？’冇错！啱啱买個DV－CAM攞出嚟拍嘢你就 唔打，你就可以闹佢：‘你读屎片嘎？’嗱班大学生呢为咗证明自己唔係读屎片一定会再打落去嘎嘞。噉你大嗌一声好之后继续拍。拍到咁上下呢，哎呀，突然之间 喺?科大?毕业嘅叱詑903正义姐姐――阿西嘉姐姐出现。因为有听众呢打电话去佢嗰個友谊空店啊，嗰度话畀佢知有人打交。佢就即刻飞车返番去母校谂住劝 交。发挥正能量。点知一入到体育馆叫啲师弟停手嘅时候，被啲师弟话佢，叫佢行开。嗱当其时应该唔係行开嘎，应该叫佢死开！噉我哋呢就斯文啲，叫佢行开。噉 呢就开以教阿西嘉姐姐指住班大喝嗰句：‘你读屎片嘎？’嗱当然因为西嘉姐姐唔係好恶嘅关系，所以佢叫成：‘你读屎片嘎？’仲会扮声，‘你读屎片噶？’好似 读FAX嘅时候扮成小朋友嗰啲声：‘你读屎片噶？’冇错嘞。冇几耐，你喺网上面见到有人比你更加早将呢段抠斗片放上网上面。不过睇嘅时候你发现条片冇配 乐，对上一次上水***中学生打交嗰段片都加咗啲**嘎。佢话你身为大学生拍条片居然冇配乐，静英英噉，有两個*仲**添。喺呢個时候你就可以指条片大喝 一声：‘你读屎片嘎？’点知你望真啲，哗咳！拍片嗰個咪就係校长朱更武？！佢见到你噉讲就即刻知道你係行内人士。即刻走上嚟问你配乐上嘅意见。问你究竟想 拣林子祥嘅《男儿当自强》吖？定话拣汪明荃嘅《热伽啡》做配乐好呢？你一听完佢呢条问题，嘩￣￣卒之按耐不住，校长都冇面畀啊！噉嘅问题都问得出！梗係拣 汪明荃啦￣￣￣喺呢個时候你就 可以指住阿朱更武大喝一声：‘你读屎片嘎？’佢听完你噉讲之后就即刻做返校长嘅职责，返去阻止班学生

嘞。点知班大学生唔认 得佢係边個。以为佢係体育馆個阿叔走过嚟收场。呢個情况底下大家唔洗担心喎，香港嘅大学生通常唔知道大学嘅校长係边個嘎。喺呢個时候呢由于阿朱更武呢听完 你喝佢啊，所以佢就可以指住班大学生喝返佢哋：‘你读屎片嘎？’喺呢個时候佢望一望附近有记者，知道噉太粗俗有失校长身份。佢就即刻改口嘞。见到身体比较 ?香?啲嘅学生佢会讲：‘你读香片嘎？’见到一啲比较愚民嘅学生佢会讲：‘你读愚（鱼）片嘎？’见到啲中意食口**嘅学生佢会讲：‘你读薯片嘎？虾片嘎？ ’。。。好嘞。因为闹得兴起嘅关系啊，所以佢一次过将所有片闹嗮出嚟。。。。。而喺呢個时候，佢因为讲得兴起嘅关系，佢真头话畀你听，阿校长自己读咩嘅， 佢就会大叫：我读咸片嘎！好嘞，讲到呢度所有学生都会停止打交。一齐返番去宿舍瞓觉嘞。好嘞！今日呢教大家广东话嘅时间又过咯喎。嗱，五一黄金周呢就快完 毕嘞。希望各位自由神嘅游客，大家努力啲去香港购物，促进香港经济，噉我哋有饭吃嘞。多谢收听。

14集 真系兴过火屎!

A：大家好。我係你嘅节目主持人利下王。 B：我係夫人。

A：今個礼拜我又要教各位自由神广东话嘞。嗱当你遇到一個 情况，令到你非常愤怒，直头嬲到面红耳热，兴合合咁。噉係呢個时候，广东话点讲呢噉？嗱非常愤怒嘅广东话呢，就係：‘真係兴过火屎啊！’嗱再重复一次： ‘真係兴过火屎啊！’嗱，你听到佢好嬲嘎。嗱，非常愤怒点解同兴过火屎有关系呢？嗱，火屎呢，就係炭烧完之后剩返嘅渣滓。虽然烧完，依然好热。好lad手 嘎。所以就得到呢句广东话：‘真係兴过火屎啊！’係嘞，代表非常愤怒！好嘞，宜家讲实际用途。如果有一日你落到嚟香港，发现阿LAM林子祥出咗只新碟。噉 你嗱嗱霖去买啦。因为本身喺家乡呢，係好中意嗰個汕头林子祥嘎。买咗返屋企突然之间发现唱片封面嗰個阿LAM，哎呀￣同你嗰個汕头林子祥一样，冇咗撇须！ 噉你见到好似睇唔惯噉噃。噉就嗱嗱霖攞支双头笔帮佢加返。点知加完之后你一睇，发现加咗须嗰個根本唔係阿LAM！係袁华！噉喺哩個时候你就可以指住原华撇 须大叫：‘真係兴过火屎啊！’大叫：‘真係兴过火屎啊！’嗱你见到只CD嘅封面呢唔係阿LAM啦，就即刻放咗只CD落Hi-Fi度听。一听之下，发现唱歌 嗰個唔係阿LAM！又唔係袁华！係袁彪！噉呢，你就可以指住封面嗰個袁华大叫：‘真係兴过火屎啊！’嗱你都未嬲完突然间醒起啊，只CD会唔会有袁彪嘅 Video睇呢，噉就攞只CD放落去部VCD机度。一播之下，真係睇到完彪，仲发现呢佢缺咗面珠上面嗰粒墨（痣），咁你好嬲啦￣￣指住個袁彪嗰粒位。。。 指住袁彪嗰粒墨位嗰度大叫：‘真係兴过火屎啊！’大叫：‘真係兴

过火屎啊！’由于佢脱墨嘅关系，你要改改句广东话，变成‘真係兴过墨屎啊！’嗱你见到袁彪 嘅脱墨整容手术呢，做得咁好，都好想去香港呢啲美容院试下脱墨。噉你即刻嗱嗱霖去揾间美容院啦，上去同個美容师讲：?喂，我想脱墨啊?噉。点知個美容师同 你讲：?诶？！你面上冇墨喎，冇得脱喎。?噉喺呢個时候你就可以指住個美容师大叫：‘真係兴过火屎啊！’嗱，佢见呢你冇墨，佢就同你讲咗啦。咁你又真係发 现自己冇墨噃，噉就想整返粒墨畀自己，就问個美容师，有边度好介绍整墨嘅。噉個美容师就畀個地址你。噉啊点知呢你照住個地址去发现，原来嗰度呢係间‘老麦 ’。噉你可以指住嗰度嘅麦当劳叔叔块白面大叫：‘真係兴过墨屎啊！’嗱，之后呢因为你冇得整粒墨啦嘛，噉就嗱嗱 霖行出老麦嘞。点知你行出门口你就见到阿 LAM，林子祥入嚟咯喎。你二话不说呢，就即刻攞返头先你买嘅嗰张CD畀佢睇，就由佢回水（退款）。阿LAM呢见你噉嬲，就即刻同你讲嘞。话嗰個真係佢嚟 嘎，嗱你唔信呢你可以搣咗佢嗰撇须畀你睇噉。点知佢一搣咗佢嗰撇须，你发现嗰個原来唔係阿LAM，係沙利！哎呀￣￣而沙利呢，哎呀￣￣仲着得好SAX，好 性感。噉你就可以指住阿SALLY好hot嗰個body大喝一声：‘真係兴过火屎啊！嗱，由于呢，呢只兴就唔係嗰只兴嘞。噉你就可以改一改句广东话嘞。嗱 指住SALLY好hot嗰個body大叫：‘真係兴过天使啊！’。又或者再hot啲嗌：‘真係hot过天使啊！’你见到沙利呢，都唔会回水畀你嘎嘞，噉你 就索性截架的士走啦。点一上到架的士发现佢又play紧袁彪嗰只CD！于是你就好闭ngei噉，谂住同個司机讲啦。话嗰個唔係阿LAM，係袁彪。噉個司机 应都唔应下你喎。你见噉冇瘾，就同個司机讲前面落车嘞，噉。点知個司机答你话：落啊，你话落就落啊下？落！你估你架係的十嚟嘎？呢架係巴士嚟嘎！噉喺呢個 时候你就可以即刻指住個司机大叫：‘真係兴过火屎啊！’嗱因为呢你宜家分唔到咩係巴士同的士嘅关系，所以你就可以嗌：‘真係兴过的士啊！’又或者嗌：‘真 係兴过巴士啊！’好嘞，我谂到呢度呢，各位自由人已经明白嗮呢句广东话嘅用法嘞。见大家跟我讲咗咁多耐广东话，应该係时候呢畀大家创作一下嘞。大家呢可以 凭自己嘅想象，将呢句广东话：‘真係兴过火屎啊！’改成：‘真係兴过芝士啊！’嗱，你就觉得奇怪係咪係吖。点解係芝士呢？申士得唔得呢：‘真係兴过申士 啊！雀屎得唔得？‘真係兴过雀屎啊！’彪屎得唔得啊？‘真係兴过彪屎啊！’鼻屎呢？‘真係兴过鼻屎啊！’。。。。。。（笑）因为创意呢係冇得解嘅，所以係 唔得，一定要改。就要改呢一句：‘真係兴过狮子啊！’（笑）噉，你就可以用你自己创作嘅呢句广东话，套返入头先所有情况嘞。例如，指住林子祥嘅袁华大叫： ‘真係兴过芝士啊！’指住唱歌嘅袁彪大叫：‘真係兴过芝士啊！’指住脱咗墨嘅袁彪大叫：‘真係兴过芝士啊！’指住你唔畀你脱墨嘅美容师大叫：‘真係兴过芝 士啊！’指住同你一样冇墨嘅麦当努叔叔大叫：‘真係兴过芝士啊！’指好hot嘅SALLY大叫：‘真係兴过芝士啊！’指住话你嘅司机大叫：‘真係兴过芝士 啊！’再嚟多次。‘真係兴过芝士啊！’唔係啊，好长嗰個啊。嚟多次：‘真係兴过申士啊！雀屎！。。。。’好嘞，相信大家

都明白今次呢句广东话点用嘞。下次 再教大家另一句广东话啦。再会！

15集 你唔好扮晒蟹喎!

A：大家好，我係你嘅节目主持人利下王。 B：我係夫人。

A：今個礼拜我想教大家嘅广东话係，嗱如果你遇到一個人， 佢非常之扮嘢(装模作样)，嗱你好想话佢甚至闹佢添。喺呢個噉嘅情况之下呢，广东话可以点讲呢嗱。嗱话人扮嘢嘅广东系：‘你唔好扮嗮蟹喎!’重复一次： ‘你唔好扮嗮蟹喎!’嗱明明係一個人好地地，要扮蟹!可想而知有几嘢嘞下。如果有一日你嚟到香港，去一间餐厅叫碗海鲜汤乌冬食下，点知呢嗰碗乌冬嚟到嘅时 候都係呢，得几条蟹柳、鱼旦同狮子狗卷。噉叫做海鲜？!喺呢個时候你就可以指住個侍应大喝一句：’你唔好扮嗮蟹喎!’点知個侍应答你：‘蟹柳咪蟹囉~~’ 噉。但係你知道蟹柳係鱼肉做嘅。喺呢個时候你就可以指住個侍应再大喝一句：’你唔好扮嗮蟹喎!’然之后指住条蟹柳大喝一句：’你唔好扮嗮蟹喎!’又再指住 隔离食紧条蟹柳又食得津津有味嘅食客大喝一句：’你唔好扮嗮蟹喎!’不过，嗰個食客可能喝返你：’你唔好扮嗮蟹喎!’噉喺呢個时候你就要安安静静坐返低 嘞。因为佢识用呢句广东话应该係本地人，噉你就唔好同佢嘈嗱嘛。喺咪啊。好嘞，食完乌冬噉你就去湾仔会展，谂住睇下呢展览嗰個佛子舍利。点知你睇嘅时候， 唔小心撞跌咗，仲整难咗個佛子舍利添。成班secure就走过嚟拉你嘞。你心谂，喺大陆啊，連佛头舍利都见过啦~~~~佛子舍利有咩咁特别呢。平时喺屋企 摆喺屋企当**用嘎嗻~~~~你哋使唔使咁紧张。喺呢個时候，你就可以指住只难嘅佛子舍利大喝一声：’你唔好扮嗮蟹喎!’然之后再指住嗰班拉住你嘅 secure讲一声：‘你唔好扮嗮蟹喎!’嗱佢哋最后都当然係拉你啦~~~~因为係国宝嚟嘎嘛，仲上埋(法)庭添。法官问你几句之后话判你三年!噉係呢個 时候你就指住法官大喝一句：‘你唔好扮嗮蟹喎!’再叫：‘你唔好扮嗮蟹喎!’嗱因为呢你知道呢法官嘅头发真係假嘅，噉你可以指住法官嘅头发又再大叫：‘你 唔好扮嗮蟹喎!’嗱你都被人拉咗嘞，噉啊见到呢隔离呢啲人全部都係坐紧监狱嘅人嚟嘎。噉啊问啦，喂呢度边度嚟嘎？噉佢梗係话你呢度係监狱啦噉。噉你呢就当 然唔信嘞。法官呢嗰头判嗰头咁快入犾噉？噉你就可以指住嗰個人大喝一句：‘你哋唔好扮嗮蟹喎!’好嘞，一坐坐三年嘞。你出獉犾嘞。有一日，行开去咗旺角， 有人行埋嚟话，有歌神阿sam演唱会嘅?FEI?(门票)问你要唔要。嗱你早知道呢一早嚟到香港呢啲FEI已经卖嗮冇可能有剩嘎嘞。喺呢個时候你就可以指 住呢個人大喝一句：‘你唔好扮嗮蟹喎!’点知嗰個人话自己其实係黄牛党，仲真係喺裤袋里面CAO咗两张FEI出嚟。你一睇，三百八十呅，第一行。因为你呢 喺内地仰慕咗歌神好耐嘞。宜家有FEI呢就梗係买

咗佢啦噉。噉就即刻攞咗二千呅出嚟买咗两张三百八十呅嘅FEI。点知嗰個黄牛话唔使，因为风声紧，惊被警 察拉，所以就原价三百八十呅卖畀你。嘩~~你心谂，边有咁大只蛤乸除街跳啊？噉。喺呢個时候你就可以指住個黄牛大喝一句：‘你唔好扮嗮蟹喎!’喝完之后你 望真啲嗰個黄牛原来，WAI!许冠英嚟嘅，噉你再望一望张FEI，原来张FEI唔係许冠杰，係许冠英演唱会!喺呢個时候你就可以望住张FEI大喝一句： ‘你唔好扮嗮蟹喎!’因为有两张FEI嘅关系，你可以一次过讲两句：‘你唔好扮嗮蟹S喎!’係嘞，听住咯喎，係扮嗮‘蟹S喎’。係众数(复数)要加S，再 听多次下：‘你唔好扮嗮蟹S喎!’点知被你吓一吓其中一张呢即刻变返许冠杰演唱会嘅FEI!另外嗰张呢，大惊嘅关系，过咗龙，变咗许冠文演唱会FEI。喺 呢個时候呢你可以再喝多佢一次：‘你唔好扮嗮蟹喎!’噉许冠文呢就会变咗许冠杰嘎嘞。好嘞!噉你开心啦攞住两张FEI。谂住同女朋友一齐睇啦。点知佢同你 讲，话佢唔知边個係许冠杰!剩係识许冠英!喺呢個时候你就可以指住你個女朋友大喝一句：‘你唔好扮嗮蟹喎!’噉你女朋友呢就会识返许冠杰嘎嘞。好嘞，相信 各位自由行嘅旅客都识得用呢句广东话嘞。不过你返到内地都有机会用呢句广东话嘎下。好似你发现内地整咗好多假嘢啊，你见到啲嘢咁假，喺度扮真嘢你都可以用 呢句：‘你唔好扮嗮蟹喎!’辟如指住啲头发豉油大喝一句：‘你唔好扮嗮蟹喎!’指住啲毒酒大喝一句：‘你唔好扮嗮蟹喎!’指住罐大头BB奶粉喝一句：‘你 唔好扮嗮蟹

喎!’。。。。。。好嘞，最后，如果你喺街度见到有人真係扮紧一只蟹，哎哟~~噉你就唔可以用呢句：‘你唔好扮嗮蟹喎!’因为佢以经扮紧蟹啦 嘛。你同佢讲呢一句：‘你扮嗮蟹啊!’就啱嘞。记住，如果喺街度有人扮紧蟹你同佢讲：‘你唔好扮嗮蟹喎!’唔係。‘你扮嗮蟹啊!’係嘞。好!今日笑谈广东 话又差唔多嘞。下集再会!

16集 你系唔系痴总掣呀?

A：你好，你係你嘅节目主持人利下王。 B：我係夫人。

A：今日我想教各位自由行嘅同胞嘅广东话係，嗱如果你嚟到香 港，见到一個人做出嚟嘅行为非常古怪，直头好似傻咗咁。严重啲呢可能同一個冇脑嘅人冇分别。噉样喺呢個时候，你就可以用呢句广东话：‘你係咪黐总掣啊？’ 重复：‘你係咪黐总掣啊？’嗱‘黐总掣’呢样嘢呢，其实係由英文short演译过嚟嘎，通常形容电路短路。嗱电线呢短路咗嘅话呢，就会呢出现问题嘎嘞。噉 即係如果话你：‘你係咪黐总掣啊？’即係话你shot噉解嘞。好嘞，宜家到实际例子，假如自由行嘅游客你，有日落到嚟香港嘅茶楼，谂住，咦!端午节啱啱过 噃，食只粽嚟应下节啦噉。個侍应嗰头落完单，嗰头只粽就嚟嘞。你正想赞香

港人嘅效率高，点知你一啖咬落只粽嘅时候，发现只粽里面嘅馅非常古怪，一闻，原来 係石头鱼。噉喺呢個时候你就可以指住舊石头鱼大喝一句：‘你係咪黐总掣啊？’因为你心知道粽係用嚟端午节掉落河度畀啲鱼食嘅。你叫啲鱼去食返，下，有鱼肉 包住喺入边嘅粽，咪即係叫佢鱼食鱼？自相残杀？噉你又可以指住個侍应再大喝一句嘞：‘你係咪黐总掣啊？’冇理由攞啲鱼肉包落啲粽度嘅! ‘你係咪黐总掣啊？’离嗮谱! ‘你係咪黐总掣啊？’就係噉嘞。即係好似话外星人喺太空，谂住掉啲嘢落嚟畀你啲地球人食，佢会唔会包啲人肉落啲粽度掉畀你食啊？噉。如果会，你就可以指住 個外星人大喝一句：‘你係咪黐总掣啊？’冇错嘞。呢個情况呢，你就梗係要换啦。噉個侍应就换咗一只迷你粽畀你。嚟到叫呢個时候，咁啊吃(yag)嘞。加啲 糖就食嘞。点知一啖咬落去只粽嘅时候，呢只迷你粽原来唔係粽，原来係只糯米鸡!噉喺呢個时候你就可以指住只yam滿糖嘅糯米鸡大喝一句：‘你係咪黐总掣 啊？’指住糖又喝一句：‘你係咪黐总掣啊？’指住個侍应又大喝一句：‘你係咪黐总掣啊？’冇错，因为叫咗换一次嘞，咁糯米鸡就照杀嘞，冇办法嘞。点知一咬 糯米鸡里面啲鸡，发现冇骨，噉喺呢個时候你就 可以指住只冇骨嘅糯米鸡大喝一句：‘你係咪黐总掣啊？’嗱点解要闹佢呢，因为你知道逢亲冇骨嘅糯米鸡，啲鸡骨都係被啲阿婆咬嗮出嚟嘅。就喺呢個时候就抬高 头一望，就见到一班阿婆喺度囵啲鸡骨。仲将啲鸡骨吐返落嚟添。喺呢個时候你梗 係指住啲阿婆大喝一句：‘你係咪黐总掣啊？’因为当其进呢啲阿婆数目众多，逐個叫：‘你係咪黐总掣啊？’。。。。。。冇错嘞。嗱留意，因为有個阿婆呢係带 咗個孙嚟一齐咬嘎。差一個：‘你係咪黐总掣啊？’细路仔嘅关系细声啲：‘你係咪黐总掣啊？’冇错嘞。相信大家都明白呢句广东话係点嘎嘞。不过除咗呢句： ‘你係咪黐总掣啊？’之外呢，其实仲有好多相类似嘅广东话可以教埋你噶噃。嗱除咗呢句你係咪黐总掣之外呢，仲有‘你係咪黐线啊？’嗱呢句除咗用返呢好似头 先嗰個所讲嘅情况用之外呢，用时你feel到唔够劲，你仲可以改一改。将呢一句呢‘你係咪黐总掣啊？’变成：‘你黐咗边条啊？’嗱由于对方真係唔知自己黐 咗边条线嘎，所以会应该出唔到声，被你吓咥。不过如果你用呢句呢：‘你係咪黐筋啊？’嗱将佢改成：‘你黐咗边条筋啊？’噉就出事嘞。因为对方可能真係会答 你：‘黐咗牛孖筋!’。一個正常嘅人，无嗱嗱身体入边点会有条牛孖筋呢？所以呢一句：‘你係咪黐咗牛孖筋？’亦都只可以指住啲属牛嘅人大喝嘅。‘你係咪黐 咗牛孖筋？’又或者指住啲属牛嘅人呢就可以哎多次嘞：‘你係咪黐咗牛孖筋？’又或者指住啲生牛豆嘅年青人都可以叫：‘你係咪黐咗牛孖筋？’。另外，如果你 唔係想话人嘅，而係想话自己都有噶噃。广东话话自己又点样呢？辟如天气热，热到成身大汗，你就可以指住自己大喝一句：‘真係热到黐肺啊!’如果好冻嘅话又 可以指住自己：‘真係冻到黐肺啊!’。如果啲食物好辣你又可以叫：‘真係辣到黐肺啊!’好嘞。不过讲到尾，始终都唔够呢一句：‘你係咪黐总掣啊？’因为， 黐线可以分开；黐筋可以分开；黐肺都可以分开；但係总掣黐咗，成副嘢就坏嗮，冇得救嘞。所以宜家可以排返

呢，广东话嘅威力次序。第四位：‘你係咪黐线啊？ ’第三位：‘你係咪黐筋啊？’第二位：‘真係热到黐肺啊!’第一位：‘你係咪黐总掣啊？’好嘞。今日笑谈广东话去到呢一度嘞，再会。

17集 你唔好叽叽凸凸下呀!、你系咪痴线架?

A：大家好，我係你嘅节目主持人利下王。 B：我係夫人。

A：好嘞，今日，又係教你广东话嘅时间嘞。今日要教你嘅广 东话，就係当你嚟香港行街嘅时候，发现啲香港人成日嘈渊巴闭，好烦！囉囉嗦嗦！噉广东话点讲呢噉？?你唔好喺度叽叽咭咭啊下！?未到啊！?你唔好喺度叽叽 咭咭啊下！?好嘞！开始囉噃。如果搭的士去街，落车嘅时候个司机话，18個4（18块4毛）！你呢就话，不如噉啦司机，收18呅啦。個的士司机猛话唔得啊 ￣￣又话政府规定跟表收啊￣￣又话生意难捞啊￣￣又话自己黑社会啊￣￣噉。噉你就即刻可以喝爆佢：?你唔好喺度叽叽咭咭啊下！?若果佢都係要收18個4 呢，仲话要报警添。噉你就先喝佢一句：?你唔好喺度叽叽咭咭啊下！?然之后立刻叫你同伴出口，对住你喝一句：?你唔好喺度叽叽咭咭啊下！?咁你宜家有個落 台阶，可以落台嘞。噉当然啦，落车就冇咁瘀啦。若果你都係唔忿气嘅话呢，落车嘅时候仲可以闹返佢转头：?你唔好喺度叽叽咭咭啊下！?然之后快啲急急脚走， 一路走，一路嗌：?你唔好喺度叽叽咭咭啊下！?。。。。。。 比如，你嚟到香港。谂住参加香港游行。点知啲同乡同你讲，唔好啊￣￣游行完呢，冇回乡 证返唔返去嘎￣￣￣。你就可以即刻对住佢话：?你唔好喺度叽叽咭咭啊下！?因为你根本就係上面落嚟，都唔使回乡证嘅！唉！咁喺游行嘅时候，就有其他唔游行 嘅市民想过马路。点知游行嘅人阻住咗条路，搞到佢冇得行。咁就喺度嘈渊巴闭啦。大声咁闹咯噃：?你唔好喺度叽叽咭咭啊下！?噉呢，你就即刻闹返佢转头： ?你唔好喺度叽叽咭咭啊下！?当然啦，佢又闹返你：?你唔好喺度叽叽咭咭啊下！?。。。。。。因为行紧嘅关系，所以互相越嚟越远嘞：?你唔好喺度叽叽咭咭 啊下！?。。。。。。越嚟越细声：?你唔好喺度叽叽咭咭啊下！?。。。。。。好嘞，行到一半，你先（至）醒起，香港有民主，关你四川干事？所以都係嗱嗱霖 走好嘞。点知就喺你想走嘅时候，司徒华就走出嚟闹你，问你点解行一半！你就可以指住司徒华大喝一句：?你唔好喺度叽叽咭咭啊下！?为咗惊阿李柱铭都走过 嚟，你对住阿李柱铭都喝一句：?你唔好喺度叽叽咭咭啊下！?对住老远阿祥哥又喝一句：?你唔好喺度叽叽咭咭啊下！?。。。。。。好嘞，咁就离开啦。就喺你 走嘅时候，唔小心撞到人哋停喺度嘅私家车。你呢一撞，哗！成度门笠嗮！你呢谂住架车PSRK喺度冇司机嘎，梗係唔使理啦，快快脆脆走人啦。点知有個好好心 嘅香港人走

埋嚟，同你讲。佢就话，你撞笠咗人哋架车喎￣￣不如你赔返少少钱啦￣￣噉样。你就即刻大叫：?你唔好喺度叽叽咭咭啊下！?点知你一叫，你呢一叫 实在係太雄壮嘞。連嗰架车嘅防盗都被你叫响咗。噉你就可以指住架车大叫：?你唔好喺度叽叽咭咭啊下！?因为防盗好大声，你就要更加大声嘞：?你唔好喺度叽 叽咭咭啊下！?嗱，你越大声呢，就越多车嘅防盗被你嗌响咗，你就要嗌得更大声嘞：?你唔好喺度叽叽咭咭啊下！?更大声，就会有更多防盗响！有更多防盗响， 你就嗌得更大声：?你唔好喺度叽叽咭咭啊下！?更大声：?你唔好喺度叽叽咭咭啊下！?。。。。。。直至失声：?你唔好喺度叽叽咭咭啊下！?（笑）你用呢一 句说话：?你唔好喺度叽叽咭咭啊下！?都用得相当之好嘞。宜家上进修课嘞。呢句广东话：?你唔好喺度叽叽咭咭啊下！?其实係嚟自两个字：?叽咭?嘎！呢個 字本身係单字，都係有效嘅。即係话：?你唔好咁多叽咭啦?係嘞，听唔听到，头先呢唔係叽叽咭咭嘞，剩係叽咭嗟。再听多次：?你唔好咁多叽咭啦?嗱噉样用 呢，已经好够嘎嘞。但係若果嗰個人，被你闹嗰個人好烦，烦到剩係用叽咭都唔掂嘞。你就要用返：?你唔好喺度叽叽咭咭啊下！?係嘞，两次嘞。若果嗰個人仲烦 噉点啊？你可以升级，加到三個字：?你唔好喺度叽叽叽咭咭咭啊下！?再烦啲呢？。。。。。。又或者係：?你唔好无限叽无限咭啊下！?冇错，再听：?你唔好 无限叽无限咭啊下！?无限叽同无限咭呢，已经係去到最尽嘎嘞。好嘞，喺呢個时候我都唔好咁多叽咭嘞。希望你哋可以学会呢句广东话，喺香港常用啦。下次再 见，再会！

?你係唔係痴线嘎？?

A：好，我想教大家今日嘅广东话係咩呢？教大家嘅广东话就係：?你係唔係痴线嘎？?

七月 一号你就想去参加旅行（这里主持讲错，应是游行），谂住去维园之前，去?七仔?（seven eleven便利店）买支嘢饮。点知畀钱嗰阵，個收银员一路讲电话，一路收钱。后面仲鬼死咁多人排队添。啲效率超低。呢個时候你即刻同個收银员讲：?你係 唔係痴线嘎？?噉多人唔排队，啲人都仲排。你就可以指住前面嗰個人又闹：?你係唔係痴线嘎？?再前面嗰個人都闹：?你係唔係痴线嘎？?指住嗰支水闹：?你 係唔係痴线嘎？?指住自己支水都闹：?你係唔係痴线嘎？?闹咗咁耐，你都应该知道痴线係边個嘞。所以你又指住自己闹嘞：?你係唔係痴线嘎？?答係吖。?我 係唔係痴线嘎？? 答係吖。B：係！ A：去到旅行你见到B：游行啊。A：去到游行，你见到有个人大热天时都仲着住件羊毛衫。仲要好enjoy咁。 呢個时候你就可以话佢嘞：?你係唔係痴线嘎？?指住件羊毛衫又闹：?你係唔係痴线嘎？?返到屋企你個妹竟然话今日去烧嘢食。仲身水身汗咁，面都未洗，叫你 出去霸位。呢個时候你又可以指住你個妹话：?你係唔係痴线嘎？?讲咗咁耐，相信大家都好清楚呢句广东话点用法嘞。但係其实大家仲可以改下啲字噶喎。辟如好 似中间嘅线字。其实就可以改咗佢，运用得更加贴切。例如，当你一睇到奥运节目嘅时候，一個短跑好手，竟

然唔做热身！喺比赛嘅时候抽筋。咁喺呢個时候你就可 以指住部电视机大叫：?你係唔係痴筋嘎？?又例如当你行街嘅时候，有一個人喺一幅写住严禁标贴嘅墙度贴紧街招。咁你就可以指住佢大叫：?你係唔係痴墙 嘎？?再讲多次：?你係唔係痴墙嘎？?好嘞。今日嘅笑谈广东话又讲完嘞，多谢大家收听。

18集 真系比你吹涨呀!

A：各位好，你嘅节目主持人利下王。 B：我係夫人。

A：好嘞，今日要教你嘅广东话就係，嗱，若果你嚟到香港，买嗮 香港啲嘢，威畀香港人睇嘅时候，啲香港人唔抵得，做出一啲令你好激气嘅事。噉样你就可以用我教你嘅广东话嘞。嗱，今日教你好激气，令到你好激气，你要话返 啲人嘅，广东话係咩呢？?真係被你吹涨啊！?吖￣￣我未讲完你就答过嚟！?真係被你吹涨啊！?例子开始嘞。若果你嚟到香港，有一个人喺街度，突然间问你借 电话。咁你借畀佢啦。佢攞咗你部电话之后呢，突然间向天一指，大叫：?哗！大鹏展翅！?咁你一望，咩都冇！正想讲嗰句：?真係被你吹涨啊！?嘅时候，一望 返佢，佢揸住电话嗰只手，居然变咗支雪条！咁你就问佢啦，喂，我部电话呢？佢竟然话：?冇啊￣￣唔知你讲乜！?噉呢，佢仲话报警拉你添。你就可以忍痛咁 讲：?真係被你吹涨啊！?点知再望真啲嗰个骗徒，诶￣￣原来係自己个同鄉！原来呢佢落咗嚟香港揾食。同你倾开，话你知，佢宜家做紧骗徒。专呃啲蠢仔嘅电 话，然后卖返上去大陆嘅。咁你问佢，喂，咁你攞返個电话嚟啦噉。佢就话，冇啊！冇偷你啊！咁你喺呢個时候就可以尽力大嗌：?真係被你吹涨啊！?佢仲话佢唔 会呃啲同鄉嘅。然之后指一指个天，大嗌：?大鹏展翅啊！?你一望，佢已经走到无影无踪嘞。咁你就可以大叫：?真係被你吹涨啊！?走咗好远嘎嘞，嗌咁大声都 冇用。细声啲嘞：?真係被你吹涨啊！?细声啲都得啊，讲畀自己听顺咋：?真係被你吹涨啊！?咁就当自己黑仔啦。行咗一阵街，返返转头，又见到佢企喺度！仲 猛叫人望個天睇大鹏！咁你就指住個天大嗌：?真係被你吹涨啊！?点知真係有只大鹏喺度喎，咁你就讲嘞：?真係被你吹涨啊！?点知第二日，你经过手机铺头， 望入厨窗，见到自己部手机就摆咗喺嗰度！剩係换咗個scream，加咗啲莹光闪灯，同埋换咗個壳！标价呢只係四舊（四百块）。你见佢搞咗咁多花sen都咁 平，你就指住部手机大叫一句：?真係被你吹涨啊！?既然咁抵，咁梗係落到嚟香港冇咩买过嘢，咁谂住买返几部手机啦。個老势见你喺上面落嚟嘅，立即想捞返 笔。坐地起价，佢话畀你听，嗰部手机呢，刘德华用过嘅。你明知部手机係自己嘅，咩刘德华嗟！咁就可以指住個老势讲嘞：?真係被你吹涨啊！?好嘞，又係时候 呢教啲进修班嘞。如果一般情况，你好激气嘅话就会用：?真係被你吹涨

啊！?但係你如果遇到啲特别嘅情况呢，就可能有啲变化嘞。例如：你上個礼拜睇波，你估 唔到最后真係被希腊呢抨走咗欧洲国家杯，咁喺呢個时候，由于你睇紧波，係被波激亲，噉你就可以讲：?真係被你吹涨波啊！?係嘞。原来呢就係：?真係被你吹 涨啊！?改成：?真係被你吹涨波啊！?又或者你食自助餐，一去到间五星级的酒店，谂住可以食餐饱。点知，喺食嘅时候，個胃滞住滞住食极都食唔落。喺呢個时 候，本来你应该讲：?真係被你吹涨啊！?就指住個胃，变成：?真係被你吹涨胃啊！?又或者你去到CD铺，谂买只莫文蔚嘅CD，点知一個唔觉意买错咗莫少 聪，喺呢個时候你可以指住阿莫少聪大叫：?真係被你吹涨莫啊！?讲多次！?真係被你吹涨莫啊！?好嘞，嚟一次复习。如果被波激亲就大叫：?真係被你吹涨波 啊！?被個胃激亲呢？?真係被你吹涨胃啊！?被莫少聪激亲呢？?真係被你吹涨莫啊！?哗，三个一齐激你呢？?真係被你吹涨莫卫波啊！?讲多次：?真係被你 吹涨莫卫波啊！?好嘞，当然三个一齐激嬲你嘅情况比较少见，但如果有嘅话记住，唔好放过呢個机会教、学，唔係，讲我教你嘅呢句广东话：?真係被你吹涨莫卫 波啊！?好嘞，相信大家都知道呢句广东话点用嘞。下个礼拜再见。

19集 我唔发火你当我病猫?

A：大家好，我係你笑谈广东话嘅节目主持人利下王。

B：我係夫人。

A：以我所知，近排(最近)好多香港人都加入我 教大家广东话嘅行列。我觉得好开心。希望大家继续发扬广东话嘅精神。嚟到自由行所有嘅朋友，都嚟香港嘅时候，学晓讲广东话。好嘞，先讲呢一个先。今日笑谈 广东话要教大家嘅广东话係：?我唔发火你当我病猫!？?呢一句说话呢，係喺人哋唔将你入在眼内嘅时候同人讲嘅。等(让)人知道，你唔係好虾(欺负)嘅! 嗱，辟如有一日，行街嘅时候被一个好瘦，睇落又好散弱嘅人撞亲。嗰个人唔道歉不但只，仲大声夹恶咁同你讲：信唔信我郁你吖嗱! 嗱喺呢个时候你梗係好唔愤气啦。因为被个咁瘦咁散嘅人无程白事咁闹，但係又明知自己劲抽过佢喎。喺呢个时候，你就可以大大声咁同佢讲：?我唔发火你当我病 猫!？?再讲一次：?我唔发火你当我病猫!？?因为你唔係ZA过佢嘎。所以你要罗起个势，大声啲咁讲：?我唔发火你当我病猫!？?你宜家冇大声到，只系实 咗嗟。?我唔发火你当我病猫!？?再大声啲：?我唔发火你当我病猫!？?入松啲喉咙大声叫：?我唔发火你当我病猫!？?嗌到失声嘅：?我唔发火你当我病 猫!？?你唔好扮失声，呢個係扮失声，听得出嘅。?我唔发火你当我病猫!？?呢個都係扮。?我唔发火你当我病猫!？?扮啊。?我唔发火你当我病猫!？?好 扮啊。?我唔发火你当我病猫!？?好好多嘞。好嘞。咁佢就会被你吓走嘎嘞。嗱嗌完交觉得愦愦地，

但係又好兴喎。咁你就谂住去公园坐坐，瞌埋对眼冷静下咁 啦。有两个贪玩嘅细路，以为你瞓着咗。攞个波省埋你度! 哗~~你睇到个波嚟势好快啊。直头(简直)当你瞓着咗咁。好似一定会省中你咁! 咁你即刻咭起身对住个波讲：?我唔发火你当我瞓觉!？?因为个波嚟得好快，所以你要讲快啲：?我唔发火你当我瞓觉!？?快啲! ?我唔发火你当我瞓觉!？?个波就噉样呢嚟到你面前。本来你想再讲多次嘎嘞。但係真係时间唔够，要最快讲啊! ?我唔发火你当我瞓觉!？?跟住，哗~~~你就一手揸爆咗个波。望住啲细路，好嬲咁讲咗一句：?我唔发火你当我瞓觉!？?当你闹完呢一句嘅时候，你发现原 来係有两个细路喺度踢紧波嘎。咁你又对住第二个细路讲一句：?我唔发火你当我瞓觉!？?两个细路都闹：?我唔发火你当我瞓觉!？? ?我唔发火你当我瞓觉!？?好嘞。你闹到差唔多够，就怒气冲冲咁走。去到茶楼，谂住上去叹啖茶下下火啦。点知见到好多人，个支客坐咗喺度，玩?擦纸胶?。 理都唔理你，剩係话畀你知冇位。咁你好唔满意佢个态度啦~~~你就对住佢讲：?我唔发火你当我擦胶!？?再讲：?我唔发火你当我擦胶!？?佢宜家唔理你， 继续玩佢嘅擦纸胶。于是你一手抢咗个擦纸胶，对住个擦纸胶闹：?我唔发火你当我擦胶!？?虽然你吓到个支客好惊，但係你依然唔顺气，咁大间茶楼竟然一个位 都冇，见到身边嘅小朋友喺度食紧虾饺。食得好开心，仲望住你，特登(故意)扮嗮好好食吸引你。喺呢个时候你就兴嘞。你就可以对住佢讲：?我唔发火你当我擦 胶!？?诶! 但係你觉得好似唔係几啱呢个场合喎。因为小朋友係喺度食紧点心，唔係食紧擦胶。所以你就转口讲句：?我唔发火你当我虾饺!？?对住个支客又讲一句：?我唔 发火你当我虾饺!？?对住个小朋友个爸爸又讲一句：对住小朋友个嫲嫲又讲一句：?我唔发火你当我虾饺!？?好嘞，最后你坐低咗嘞。谂住食啲嘢，同个点心阿 姑讲，话你想要笼虾饺。点知佢话畀你知最后嗰笼虾饺被啱啱头先嗰个细路攞咗。咁你就好嬲，对住个大姑大喝一句：?我唔发火你当我虾饺!？?由于阿姑冇嗮虾 饺嘞，梗係要改口啦。?我唔发火你当我叉包!？?点知阿姑话叉包卖嗮。?我唔发火你当我凤爪!？?凤爪都冇喎! ?我唔发火你当我上海**!？?讲咗咁多句，个点心阿姑都冇咩反应。于是你就出绝招，对住阿姑发嗮今日啲怒气，好快好大声咁讲：?我唔发火你当我病猫、瞓 觉、擦胶、虾饺、叉包、凤爪、上海**!？?清楚啲~~?我唔发火你当我病猫、瞓觉、擦胶、虾饺、叉包、凤爪、上海**!？?再快啲! ?我唔发火你当我病猫、瞓觉、擦胶、虾饺、叉包、凤爪、上海**!？?再大声啲! ?我唔发火你当我病猫、瞓觉、擦胶、虾饺、叉包、凤爪、上海**!？?再嗌最大声：?我唔发火你当我病猫、瞓觉、擦胶、虾饺、叉包、凤爪、上海**!？? 好嘞，今日应该都好清楚呢一句：?我唔发火你当我病猫!？?(笑)相信各位自由行嘅同胞，都知道点用嘞。好，今日笑谈广东话到此为止。下个星期我再教大家 其他广东话啦。

20集 食懵你呀!

A：你好，我係你嘅节目主持人利下王。 B：我係夫人。

A：由于我哋收到听众阿健的提供，我哋呢位热爱广东话，热爱 自由行的同胞的朋友。所以呢个礼拜我哋用呢位听众的题材做教材嘞。嗱!今集我要教大家嘅广东话係，如果有一日喺街度，遇到一个人，嗱，佢忽然之间发癫，完 全不知所谓，咁喺呢个情况之下呢，广东话应该点讲呢噉。嗱，有个人发晒癫嘅广东话呢就係：?食懵你啊!？?…….重复一次。?食懵你啊!？?由于食嘢最坏 嘅情况，极其量都係啃亲、疴(即拉肚子)！如果食到懵呢，应该好痴线嘎嘞。重复！?食懵你啊!？?好嘞，落嚟用例子嘞。有一日，你落到嚟香港，谂住试下帮 趁下香港嘅茶餐厅。你入到去坐低，发现里面坐滿晒人，咁你见到噉嘅情况，你就去问其中一位茶客，可唔可以搭台啦。点知佢一口拒绝！仲死口话张空咗嘅凳有人 坐，咁喺呢个时候你就可以指住个茶客大喝一句：?食懵你啊!？?指住张空凳大喝一句：?食懵你啊!？?指住个茶食紧嘅嗰兜肉丁面大喝一句：?食懵你 啊!？?咁呢跟住佢就会被你喝醒，然之后就畀你搭台嘞。好嘞，当你坐低叫嘢食嘅时候，你发现对面嘅茶客同个伙记投诉，话个肉丁面里边有只甴曱（读 Gadzad，即蟑螂）脚，咁污糟，点食呀~~~~~由于你深知呢，喺内地啊，唔好甴曱脚啊，嗯……熊猫脚啊，%＠＆都食过啊（开始胡说八道了）。噉都投 诉！？咁喺呢个时候你就可以指住个茶客大喝一句：?食懵你啊!？?再指住只甴曱脚大喝一句：?食懵你啊!？?然之后指住换过第二碗嘅伙记大喝一句：?食懵 你啊!？?跟住将只甴曱脚掟入自己个口度。含住只甴曱脚大喝一句：?食懵你啊!？?然之后…甴曱脚咋~~~~~?食懵你啊!？?然之后呢，然之后将兜面含 埋落个口度，大喝一句：?食懵你啊!？?食埋个餐包大叫：?食懵你啊!？?食埋！連个碟都食埋！?食懵你啊!？?連张台都食埋！?食懵你啊!？?成间茶餐 厅食落口度！?＃￥%＠！?（已经变成呕吐了）大叫多句！?＃￥%＠！?成个香港食落肚度大叫多句：?＃￥%＠！?噉个茶客就唔会投诉嘎嘞。又或者，你有 一日搭巴士去旺角架巴士无嗱嗱撞咗落条灯柱度，全车人跌晒落地下，喺呢个时候你就可以指住个司机大喝一句：?食懵你啊!？?由于个司机根本唔係食紧嘢，而 係揸紧车，唔可以用呢一句：?食懵你啊!？?要将呢句改成：?揸懵你啊!？?由于司机都揸懵咗嘞，可想而知啲乘客会点。喺呢个时候呢就会有啲乘客会问嘞， 架车係唔係去大围嘎？但架车明明係去旺角嘎嘛~~~佢话去大围，噉喺呢个时候你就指住乘客大喝一句：?食懵你啊!？?EEE￣￣佢冇食嘢，係撞完车嗟。应 该讲咩啊？?撞懵你啊!？?冇错嘞。撞完车又点会讲得咁清楚呢。所以个嘴会肿晒嘅，应该讲：?撞懵你啊!？?係嘞。隔咗两分钟之后呢，个嘴再肿啲，又讲： ?撞懵你啊!？?喺呢个时候有位乘

客又问你嘞：?喂，你架车係咪去火炭嘎？?由于火炭比大围更远，噉所以你要用啲…双倍嘅力度大喝：?撞懵你啊!？?消咗 肿嘞！?撞懵你啊!？?另一位乘客再问：?架车係咪去罗湖嘎？?HEU！罗湖仲远过火炭！用四倍力度大喝：?撞懵你啊!？?仲有一位乘客问：?架车係咪去 伊拉克嘎？?嘩~~~伊拉克啊？喺呢个时候你就要用尽力大喝：?撞懵你啊!？?最后，如果有个乘客问：?架车係咪去旺角嘎？?由于佢答啱咗，所以唔可以用 ?撞懵你啊!？?，就要用：?撞啱你啊!？?再讲：?撞啱你啊!？?冇错，佢真係啱嘞。好嘞，相信大家对呢句广东话呢都好熟悉嘞。宜家再教多一啲变化。等 大家任何情况都用到呢句广东话啊吓。好嘞，听住咯噃。如果你食住粒（润）喉糖，食极都唔溶，咁你癫咗，就可以大讲：?含懵你啊!？?因为粒喉糖係含嘅。所 以就要讲：?含懵你啊!？?如果形容个?风筒?冇风出，你癫咗，咁你就可以大喝一声：?吹懵你啊!？?因为风筒係吹嘅，所以就讲：?吹懵你啊!？?如果你 食雪条，未食完就溶晒，咁你癫咗嘞，噉就可以大喝：?NAI懵你啊!？?因为雪条係NAI嘅，所以就要讲：?NAI懵你啊!？?如果你饮纸包饮品，饮极都 饮唔到最后一啖，你又癫咗，噉你就可以大喝一声：?Zyud懵你啊！？?因为最后一啖通常都係Zyud Zyud声嘅，所以你可以叫：?Zyud懵你啊!？?但係若果如果你食住粒喉糖、用用下风筒、食住条雪条、饮住包低包饮品癫咗！噉点算呢？噉你就可以大喝 一句：?含吹NAI Zyud懵你啊!？?好嘞今日嘅笑谈广东话就教住大家咁多先。希望大家＃￥%用呢句广东话。

21集 巴屎闭!

A：好高兴今日嘅笑谈广东话又係由听众提供嘅。嗱，不过呢，呢次呢个笑谈广东呢，係有小小乱子出咗嘎。话说FAX出嚟咗之后，深美 先生呢就攞咗去畀大家睇：?有个听众又笑谈广东话嘞~~~?噉样。就交畀阿李奥先生。但係阿李奥先生话：?喂！呢个唔掂喎~~~~??点解唔掂啊？?噉。 李奥先生就话：?喂！佢呢个广东＠＃￥＊＆＾喎￣￣??咩%＃￥%吖？?就问阿深美先生。深美先生又望一望，＆＾%＠￥%.......（反正是一大堆废 话）。深美先生一睇，原来人哋嗰只字係?巴屎弊?啊！（至此，我终于知道那堆废话到底说什么了）好嘞，大家都知道嘞吓。所以真正嘅呢今日嘅笑谈广东话由听 众?卓卓?提供嘅呢，就係叫做巴屎弊嘞。你好，我係你嘅笑谈广东话嘅主持人，我叫利下王。 B：我係夫人。

A：係嘞。好嘞，今日教嘅广东话 就係，当你见到一个人，?识小小，扮代表。?喺度话自己叻。你又唔抵得喎。噉呢，你可以指住嗰个人，即係李奥先生嘞。你呢就大句嗌佢一句：?巴屎敝！?唔 係：（应该係）?巴士厂！?（士与屎同音，敝厂字的繁体字近似，所以李奥先生才闹出笑话。）冇错嘞，巴士厂（笑）。

好嘞，读返正音：?巴屎敝！而唔係?巴 士厂?。係嘞。到实例囉喎。有一日，你听讲李奥先生买咗部新车，好叻，话自己係个车手。你就可以指住阿李奥，大大声咁大嗌佢一句：?巴屎敝！然之后指住阿 李奥嘅pet pet (屁股)大叫：?巴屎敝！?记住，手指要係向上指而唔係向下指，因为李奥个Pet pet 喺个头上面嘎（笑），指住头上面嘅Pet pet大叫：?巴屎敝！?左脑一叫：?巴屎敝！?、右脑一叫：?巴屎敝！?左脑右脑中间条界一叫：?巴屎敝！?。因为个Pet pet係两嚿，所以叫两次。第二日呢佢就会撞车嘎嘞。又有一日，你去搭下香港啲巴士，点知嗰个巴士过海要成廿一呅！哗￣￣咁鬼贵！一个饭盒（盒饭）先至十 柒呅嗟嘛。搭个巴士廿一呅！？你就可以指住个巴士大叫：?巴屎敝！?唔係！应该係叫做：?巴士贵！?冇错嘞，因为唔係巴士敝啊，因为巴士真係好贵啊，所以 就叫做：?巴士贵！?。冇错嘞。噉你谦佢贵就唔畀钱啦。点知个司机报警！话你搭霸王车。过咗一阵，就警察嚟嘞。噉啊拉你！你就可以指住个警察大叫：?真係 被你吹涨啊！?因为今次呢我哋又用咗另外一句广东话嘞。噉个警察就会同佢讲…同你讲啊，佢啲战迹。话拉登都係佢捉嘅！噉你就可以指住佢话：?巴屎敝！?再 讲！?巴屎敝！?係咁讲喎（就这样说下去）?巴屎敝！??巴屎敝！??巴屎敝！?……一路叫，叫到去差馆。?巴屎敝！??巴屎敝！?……係嘞，到咗差馆， 个警察被你闹咗咁耐，就会问你：?咩圈最巴敝啊？?噉你就答佢：娱乐圈。佢就话你错！答案应该係：嘈渊巴敝！噉你就会被佢拉去坐监嘎嘞。好嘞，到咗进修班 嘞。我哋斯文人，唔会成日讲?屎?呢个字嘎。所以呢，就应该话：巴敝！比如，你听到深美话自己减肥好成功，又话自己叻过肥猫同%￥＾（忘名字，本句说的是 肥猫与那个誰一起拍的减肥广告。）你就可以话：?巴弊！?。因为呢，深美呢，係…唔係真係巴敝，要加多个字喺前面嘎：?懒巴弊！?。如果瘦完之后又话增肥 呢，你就可以用句劲啲嘅，用叠字：巴巴敝敝！点知佢肥完又减返，你就可以再用再劲啲嘅，将呢句重复：巴巴敝敝巴巴敝敝！好嘞。点知佢减完又增、增完又减、 减完又增！话自己肥就肥，话自己瘦就瘦。噉就用首歌嚟唱佢嘞。B：巴巴敝敝巴巴敝敝巴巴敝敝￥＃＠%.......（笑）A：唱埋佢啦！B：肥瘦佢最劲！ A：唔係啊！肥瘦最求其。噉样啊！……（把?一休和尚?的歌都改了，不管他了）。记住！后面嗰啲好重要嘎，唔好漏！多谢一休和尚。好嘞，今日嘅笑谈广东话 又告一段落嘞。多谢大家收听。

22集 正一\嘟\弗鬼呀（正一臀部灵魂呀）

A：你好，欢迎收听笑谈广东话。我係你嘅节目主持人，利下王。 B：我係夫人。

A：今日我哋教大家嘅广东话係：如果 有一日，你遇到一个人。嗰个人无无聊

聊，专係冇嘢搞揾嘢嚟搞，麻烦到死嘅。噉，如果你遇到一个噉嘅人嘅话呢，你就会忍唔住由心嗰度喝出呢一句广东话嘎嘞： ?正一屎(si)忽鬼啊。?(注：由屎字太不雅，本文中主持并没有直接说出)。嗱，喺厕所死嘅鬼呢，就叫厕所鬼；喺火车死嘅鬼，就叫火车轨(通?鬼?)； 噉，喺屎忽度死嘅鬼呢，就叫屎忽鬼嘞。但係一只屎忽鬼啊，点解竟然会死喺屎忽度呢噉。你话佢係咪几咁冇嘢嚟搞揾嘢嚟搞呢。所以，指住呢个人大喝呢一句： ?正一屎忽鬼啊?。就即係话呢啲人冇嘢搞揾嘢嚟搞嘞。不过，由于我哋参考咗<最佳损友>入面，红瑞凡为咗追女仔，又唔想自己烂口，就揾咗一个 神父?黄霑?帮手。黄霑就教佢，以后每逢相讲粗口就用生果(注：即水果)嚟代替。而一锅呢，红瑞凡遇到一个无无聊聊冇嘢搞揾嘢喺搞嘅麻烦到死嘅人，本来正 想喝出一句：?正一屎忽鬼啊?，但係佢唔可以咁粗俗啊，所以就转为大喝呢一句：?正一臀部灵魂啊!?。重复一次：?正一臀部灵魂啊!?。好嘞，噉呢即係 话，第时你再想闹人，又想追女仔，就唔可以再用：?正一屎忽鬼啊?，而改用：?正一臀部灵魂啊!?。重复：?正一臀部灵魂啊!?好嘞，到实际例子嘞：有一 日，你去到一间卖手提电话嘅铺头，谂住买部手机，当你攞起货架上面嘅陈列品嘅时候一打开，发现部手机係空心嘅！啊！你心谂，咁大间铺头竟然攞部空心嘅陈列 品手机出嚟，喺呢个时候你就可以指住部空心手机，大喝一句：?正一臀部灵魂啊!?。然之后你试下隔离部手机，又係空心，你又大喝呢一句：?正一臀部灵魂 啊!?隔离嘅部都係空心！B：?正一臀部灵魂啊!?你发现十四部都係空心，你就要大喝十四次嘞：?正一臀部灵魂啊!? ?正一臀部灵魂啊!? ?正一臀部灵魂啊!? ?正一臀部灵魂啊!?…… A：有一句唔係好清，补返！

B：?正一臀部灵魂啊!?

A：係乜要噏十四次呢？你係咪正一B：?臀部灵魂啊!?。

A： （笑）噉你噏完十四次之后呢，个售货员一定会问你咩事。噉你梗係谂住投诉啦。点知佢答返你，如果要度真嘅手机，要入仓攞。喺呢个时候你就把几火嘞，点解你 唔摆嗰啲实货出嚟呢，就可以指住个售货员大喝一句：?正一臀部灵魂啊!?、指住个仓大喝一句：?正一臀部灵魂啊!?、指住十四部空心手机再喝十四句：?正 一臀部灵魂啊!? ?正一臀部灵魂啊!? ?正一臀部灵魂啊!?…… 好嘞，你一路讲呢，就一路走嘞：?正一臀部灵魂啊!? ?正一臀部灵魂啊!?…… 好嘞，走出街之后先发觉，啲香港人用手提电话呢，明明用咗免提嘅，香港人好奇怪，竟然用手揸住个earphone，噉样用咗 hand-free都等于冇用啦，一只手攞电话，一只手攞earphone，仲忙过唔用！噉你就可以指住个香港人大叫：?正一臀部灵魂啊!?。指住个 earphone大叫：?正一臀部灵魂啊!?。然之后打个电话直接同嗰个人讲：?正一臀部灵魂啊!?，再补个SMS同佢讲：?正一臀部灵魂啊!?，最后忍 唔住，指住佢个屎忽大叫：?正一臀部灵魂啊!?。嗱，因为已经指住佢个屎忽嘞，噉直头就可以用返原来嗰句嘞：?正一屎忽鬼啊!?。（笑）指住左边嗰个讲： ?正一屎忽鬼啊!?；指住右边

又讲过：?正一屎忽鬼啊!?；直捣黄龙又讲过：?正一屎忽鬼啊!?。当然啦，都直捣黄龙嘞，要用力啲，仲要用实力去讲：?正 一屎忽鬼啊!?。 跟住落嚟你会问，屎忽就梗係无所谓啦，特别无谓啦（已经语无仑次了），但係身体其他地方都会死人係咪？辟如格肋底（读 Gaklagdei，即格支窝）都可以啊。格肋底点死人啊？格肋底就梗係臭死人啦！所以话人：?正一格肋底鬼啊！?，即係话人臭死人嘞。好，再重复：?正 一格＊￥￥＃%8。。。。。。?。譬如好似阿成头先咁样，噉都要重复一次格肋底鬼，就真係冇嘢做揾嘢嚟做，你就可以指住阿成大喝一句：?正一格肋底鬼 啊！?，又指住成日挠格肋底嘅阿Marcel讲一句：?正一格肋底鬼啊！?；阿苏又一句：?正一格肋底鬼啊！?；…… 而森美呢，就（笑得说不清楚）…… 所以不用原先嗰句闹森美嘞：?正一臀部灵魂啊！?，唔係，原本嗰个：?正一屎忽鬼啊!?。无错嘞（笑ing）。好嘞，当然其他身体地方都会死人嘎，譬如好 似可以话人：?正一脚指鬼啊！?，就係被脚指笃死嘅人嘞；或者係：?正一头皮鬼啊！?，就係甩头皮甩死嘅人嘞；又或者係：?正一香港脚鬼啊！?，（就係） 生脚癣痕死嘅人嘞；?正一＃＠脚鬼啊！?，……如果有个人，……又係屎忽鬼…….又係……然之后又…….嗰种……同一时间身体上……咁等死嘅事集于一身， 噉又点讲呢？?正一屎忽鬼！格肋底鬼…?唉你错嘞！屎忽同格肋底摆喺最后嘅。好嚟过，123

B：?正一脚指鬼、头皮鬼、香港脚鬼、天宁盖鬼、格肋底鬼、屎忽鬼！?。 A：好嘞，今集嘅笑谈广州话又告一段落嘞，多谢大家收听。

23集 你同我收爹呀!

冇见大家两个礼拜嘞

A： 今个礼拜我又要教大家广东话嘞。今个礼拜要讲嘅广东话係：如果有一日，你喺街度见到个人好多嘴，係噉喷晒口水花。噉，喺呢个时候，你想叫佢收声！你好可以 用呢句广东话嘞：?你同我收嗲啊！?。好嘞。嗲，广东话嚟讲就即係嘴巴。嘴巴噉解。所以话人：?你同我收嗲啊！?，即係话，你同我收嘴。?嗱，呢句呢韵味要足，要恶！要嚟计（姑且有这两个字），同时间要喝先得嘎！嗱再听一次：?你同我收嗲 啊！?。好嘞，除咗呢一句：?你同我收嗲啊！?，仲有好好讲法噶噃。譬如係：?唔好咁多嗲啦！?，即係话唔好咁多嘴嘞；又或者：?口水多过嗲！?，即係话 你啲口水多过你个嘴嘞，噉难怪啲口水会喷晒出嚟；又例如：?唔好搭嗲啦！?，即係知唔好搭嘴噉解。今日，我哋全力教大家最容易收到效果嘅呢一句：?你同我 收嗲啊！?。好嘞，例子嚟咯喎。如果有一日，你嚟到香港，炎炎夏日，谂住去游泳池游水，点知?卟咚?一声跳咗落水之后，个救生员用?大声公?（注：即喇 叭）不断同你讲，话泳池入

面有条红虫追住你，唔畀你游！要你即刻上返水。你心谂，喺国内，蛔虫都未惊过啦！何况一条红虫！所以喺呢个时候你就可以指住个救 生员大喝一句：?你同我收嗲啊！?，然之后又指住条红虫大喝一句：?你同我收嗲啊！?，然之后再指住个救生员个?大声公?喝一句：?你同我收嗲啊！?，然 之后抢佢个?大声公?喝一句：?你同我收嗲啊！?，攞条红虫掉落佢个口，然之后对住佢个口，攞住个?大声公?再喝一句：?你同我收嗲啊！?，噉，个救生员 同条红虫都会收声嘎嘞。然之后仲会默然离开添。

又或者，你今个礼拜嚟到香港，见到：哗！好多人换水晶麻雀喎！谂住换返套返去内地做手信。点知去到 成万人同你一齐?DOWN?！喺前面有一个人又投诉又话thing噉。但係等咗成个钟，都係留喺原位嘈渊巴闭，咩行动都冇，走都唔走！噉呢个时候，你就可 以指佢成家人大喝一句：?你同我收嗲啊！?。由于呢一家人係一家四口嘎，所以你要话晒佢哋一家四口。阿爸係比较威严嘎，你就要讲：?你同我收嗲啊！?；阿 妈係师奶：?你同我收嗲啊！?；个女係女仔嚟嘎（废话！难道是男的吗！）：?你同我收嗲啊！?；阿婆冇晒牙嘅：?唉呀，你同我收嗲啊！?。噉嗰家人癲晒之 后呢，就会乖乖地继续排队唔嘈嘎嘞。排队嘅时候，你见到一个阿妈，喺度不停地闹个仔，话佢好四围走、失散咗，搞到佢为咗揾仔换唔到副水晶麻雀。就喺呢个时 候，你可以教个仔指住个阿妈大喝一句：?你同我收嗲啊！?。由于佢只不过係个细路仔嚟嘅，所以把你把声呢要细路仔啲：?你同我收嗲啊！?；天真无邪一啲： ?你同我收嗲啊！?；开心啲啦：?你同我收嗲啊！?；做到好似BB仔一样：?你同我收嗲啊！?。再讲：?你同我收嗲啊！?。噉佢听完之后，个阿妈就会拖埋 佢相仔，静静地搭车走嘞。

又或者你夜晚搭车，落去34*Disco happy。点知你落到去，你发现啲人＃￥%￥＃＊＾迷迷幻幻噉。喺呢个时候，你就可以指住啲人大喝一句：?你同我收嗲啊！?。由于嗰度所有嘅人都唔係喺 度嗲紧，而係喺度Yeah紧。噉你就唔可以用呢句咯喎：?你同我收嗲啊！?，你就要用：?你同我收YEAH啊！?。冇错，大声啲：?你同我收YEAH啊！ ?。由于34*Disco好嘈，再要大声啲：?你同我收YEAH啊！?；去到尽：?你同我收YEAH啊！?。其实唔使咁大声嘅，对住个MIC就得嘎嘞： ?你同我收YEAH啊！?。係嘞。好嘞，喝完之后，全场啲人就会BE住你，噉你就可以指住啲人大喝一句：?你同我收YEAH啊！?。因为佢哋冇YEAH嘎 嘞，而係BE紧你，所以你要改做：?你同我收BE啊！?。噉佢哋就会明白，唔再BE你嘞。最后你见到咁多人，于是一个人走去厕所大便。（奸笑）当你去到半 路中途，突然之间有人拍你个厕所门！叫你快啲出嚟，由于佢係噉催你，搞到你心都烦埋。你心谂，快极都要冲厕嘎￣￣，喺呢个时候你就激鬼气嘞，索性厕所都唔 冲，夺门而出，指住个嗰人大喝一句：?你同我收KE啊！?由于你冇冲水嘅关系，所以你就可以叫佢做呢件事嘞。再讲：?你同我收KE啊！?。佢望一望个马 桶，佢就会明白你讲咩，同你道谦嘎嘞。

好嘞，相信大家都清楚呢句广东话点用嘞，係咪？但係喺呢个紧急关头你先发现，原来喺门口嗰度係一家人等紧厕 所！有阿爸：?你同我收KE啊！?；有阿妈：?你同我收KE啊！?；有囡囡：?你同我收KE啊！?；仲有阿婆：?你同我收KE啊！?。总之一次过讲晒四个 噉就走得嘞。?你同我收KE啊！? ?你同我收KE啊！? ?你同我收KE啊！? ?你同我收KE啊！?。（傻笑）好嘞，相信各位清楚晒呢句广东话点用嘞。下次去厕所嘅时候，不防试下用啦。下个礼拜，再教过大家另一个广东话嘞。再会

好嘞，相信大家都清楚呢句广东话点用嘞，係咪？但係喺呢个紧急关头你先发现，原来喺门口嗰度係一家人等紧厕 所！有阿爸：?你同我收KE啊！?；有阿妈：?你同我收KE啊！?；有囡囡：?你同我收KE啊！?；仲有阿婆：?你同我收KE啊！?。总之一次过讲晒四个 噉就走得嘞。?你同我收KE啊！? ?你同我收KE啊！? ?你同我收KE啊！? ?你同我收KE啊！?。（傻笑）好嘞，相信各位清楚晒呢句广东话点用嘞。下次去厕所嘅时候，不防试下用啦。下个礼拜，再教过大家另一个广东话嘞。再会

本文来源：https://www.bwwdw.com/article/nzog.html